'हुंडा घेणारे नामर्द, शेतकऱ्यांना उद्योजकाचा दर्जा कधी मिळणार? अभिनेते मकरंद अनासपुरेंचे शेतकरी मेळाव्यात भाष्य

Akola : हुंडा घेणारे नामर्द आहेत, असं माझं वैयक्तिक मत असल्याचं मराठी चित्रपट अभिनेते मकरंद अनासपुरे यांनी केलंय. जर स्त्री जर टिकली नाही तर, समाज कसा टिकेल? बायकोला लक्ष्मी म्हणून घरात आणायची. तिने आपल्याला लेकरांना जन्म द्यायचा. तिने आपल्या लेकरांवर संस्कार करायचे. मग ती येताना आपण तिच्या बापाकडे भिकमाग्या असल्याप्रमाणे पैसे का मागायचे? असा सवाल मकरंद अनासपुरे यांनी केलाय. ते आज अकोला जिल्ह्यातील बाळापुर तालुक्यातल्या निंबा फाटा येथे एका सभेत बोलत होते. निंबा फाटा येथे 'अंदुरा ऍग्रो प्रोड्युसर कंपनी'च्या वतीने 'कुणबी स्नेहमिलन सोहळा' आणि शेतकरी मेळाव्याचे आयोजन करण्यात आलं होतंय. या कार्यक्रमाला चित्रपट अभिनेते मकरंद अनासपुरे आणि अभिनेत्री गिरिजा ओक उपस्थित होत्या.