Zakir Hussain यांचा ज्यामुळे मृत्यू झाला, तो IPF आजार नेमका काय? काय आहेत लक्षणं आणि उपचार?
IPF disease : आयपीएफवर सध्या कोणताही इलाज नाही. पण औषधांमुळे आणि आणखी काही गोष्टींमुळे फुफ्फुसाचे नुकसान कमी होण्यास आणि रुग्णाची प्रकृती सुधारण्यास मदत होऊ शकते.
ADVERTISEMENT
बातम्या हायलाइट
झाकीर हुसैन यांचा मृत्यू कशामुळे झाला?
काय आहे IPF हा आजार?
प्रसिद्ध तबलावादक झाकीर हुसेन यांचं वयाच्या 73 व्या वर्षी इडिओपॅथिक पल्मोनरी फायब्रोसिस (IPF) या गंभीर आजारामुळे निधन झालं. हा एक फुफ्फुसाचा आजार असून, यावर कोणताही उपचार नाही. या आजारात फुफ्फुसाच्या प्रक्रियेत अडचणी निर्माण होऊन, श्वास घेणं कठीण होते.
धु्म्रपान करणे, वाढलेलं वय आणि आनुवांशिकतेमुळे हा आजार होतो. उपचार उपलब्ध नसले तरी, औषध आणि इतर उपचारांमुळे रुग्णाच्या फु्फ्फुसाची गुणवत्ता सुधारू शकते. फुफ्फुसातील हवेच्या पिशव्या (अल्व्होली) भोवती असलेल्या भागावर (ऊतींवर) या आजारामुळे परिणाम होतो.
इडिओपॅथिक पल्मोनरी फायब्रोसिस म्हणजे काय?
यूएस नॅशनल हार्ट, लंग्ज अँड ब्लड इन्स्टिट्यूट (NIH) ने दिलेल्या माहितीनुसार, अज्ञात कारणांमुळे फुफ्फुसाचे ऊतक जाड आणि कठोर होते तेव्हा हा रोग होतो. कालांतराने, यामुळे फुफ्फुसावर कायमचे डाग तयार होऊ शकतात. यालाच फायब्रोसिस देखील म्हणतात. त्यामुळे रुग्णाला श्वास घेणं कठीण होते. जे लोक धूम्रपान केल्यानं किंवा अनुवंशिकतेने हा आजार होतो.
इडिओपॅथिक पल्मोनरी फायब्रोसिसमध्ये काय होते?
एनआयएचच्या दाव्यानुसार, या रोगामुळे श्वास घेणं आणि फुफ्फुसातून ऑक्सिजन शरीराच्या उर्वरित भागात पोहोचवणं कठीण होतं. निरोगी फुफ्फुसात, ऑक्सिजन सहजपणे हवेच्या पिशव्याच्या भागातून केशिका आणि रक्तप्रवाहात जातो. आयपीएफच्या बाबतीत, फुप्फुसाताचा ठराविक भाग घट्ट किंवा जाड होतात. यामुळेच ऑक्सिजन रक्तात जाणं कठीण होतं.
हे वाचलं का?
