Tutari vs Trumpet: 'तुतारी' वाजलीच नाही! 'पिपाणी'ने केला शरद पवारांच्या 'एवढ्या' उमेदवारांचा घात?
तुतारी या चिन्हासारखेच पिपाणी हे चिन्हही अनेक मतदारसंघात असल्याने त्याचा फटका शरद पवारांच्या उमेदवारांना विधानसभा निवडणुकीत बसल्याचे पाहायला मिळतं आहे.
ADVERTISEMENT
बातम्या हायलाइट
तुतारी आणि पिपाणी चिन्हामुळे अनेक मतदारांचा उडाला गोंधळ?
पिपाणी चिन्ह असलेल्या अनेक मतदारसंघात तुतारीच्या उमेदवारांना बसला फटका
पिपाणी चिन्हामुळे तुतारीवरील अनेक उमेदवारांचा पराभव
Sharad Pawar NCP Logo, Symbol: मुंबई: महाराष्ट्र विधानसभा निवडणुकीत महाविकास आघाडीला प्रचंड मोठा धक्का बसला आहे. महाविकास आघाडीच्या अवघ्या 46 जागाच निवडून आल्या आहेत. त्यातही सर्वाधिक नुकसान हे शरद पवारांच्या राष्ट्रवादी काँग्रेसचं झालं आहे. कारण त्यांचे केवळ 10 आमदारच निवडून आले. दुसरीकडे साधारण 9 जागांवर पिपाणी (ट्रम्पेट) या चिन्हावर उभ्या असलेल्या उमेदवारांमुळे पवारांच्या उमेदवारांचा पराभव झाल्याचं आता बोललं जात आहे. (similar to the tutari symbol the trumpet symbol led to the defeat of sharad pawar ncp candidates in many constituencies)
लोकसभा निवडणुकीत सातारा मतदारसंघात पिपाणी या चिन्हामुळे शशिकांत शिंदे यांचा पराभव झाला होता. तर आता पवारांच्या तब्बल 9 उमेदवारांना पिपाणीचा फटका बसल्याचं पाहायला मिळतंय.
हे ही वाचा>> Raj Thackeray MNS : "भाजप सोबत जाणं ही चूक", मनसेच्या बैठकीत उमेदवारांकडून नाराजी - सूत्र
राष्ट्रवादी काँग्रेस - शरदचंद्र पवार यांच्या पक्षाला तुतारी वाजवणारा माणूस हे चिन्ह निवडणूक आयोगाकडून देण्यात आलं आहे. तर दुसरीकडे अनेक मतदारसंघांमध्ये अपक्ष किंवा ज्या पक्षांना अद्याप राष्ट्रीय पक्षाची मान्यता नाही त्यांना पिपाणी (ट्रम्पेट) हे चिन्ह देण्यात आलं होतं.
दरम्यान, अनेक मतदारसंघात पिपाणीवर उभ्या असलेल्या उमेदवारांना बऱ्यापैकी मतदान झाल्याचं समोर आलं आहे. ज्याचा थेट फटका तुतारी चिन्हावर उभ्या असलेल्या उमेदवारांना बसल्याचं आकडेवारीतून पाहायला मिळतंय.
हे वाचलं का?
