वाशीजवळ सिग्नल यंत्रणेत बिघाड, हार्बर लाईनवर लोकल सेवा विस्कळीत

पनवेल ते छत्रपती शिवाजी महाराज टर्मिनस आणि छत्रपती शिवाजी महाराज टर्मिनस ते पनवेल अशा दोन्ही म्हणजेच अप आणि डाऊन मार्गांवरची लोकल वाहतूक विस्कळीत झाली आहे. तूर्तास मानखूर्द ते छ.शि.म.ट ते मानखूर्द आणि पनवेल ते वाशी अशी लोकलसेवा मर्यादित स्वरूपात सुरू ठेवण्यात येत असल्याच्या सूचना नवी मुंबईतल्या स्थानकांवर दिल्या जात आहेत. फक्त हार्बरच नाही तर ठाणे वाशी या ट्रान्सहार्बर मार्गावरची सेवाही सिग्नल यंत्रणेतील बिघाडामुळे ठप्प झाली आहे. ज्यांना वाशी, पनवेल किंवा पनवेलहून सीएसएमटी गाठायचं आहे त्या प्रवाशांचे हाल होत आहेत.

Due to some technical problem in working of signalling system at Vashi station, the following movement is affected from 5.00am.

Down Harbour trains b/w Mankhurd and Panvel are not running.

Trains b/w Thane and Vashi on Trans-Harbor line are not running.

— Shivaji M Sutar (@ShivajiIRTS) May 4, 2022

सिग्नल यंत्रणेतल्या बिघाडामुळे मानखुर्द ते पनवेल या दरम्यान लोकल सेवा पूर्णतः ठप्प झाली आहे. यामुळे हार्बर आणि ट्रान्स हार्बर मार्गावरचं लोकल सेवेचं वेळापत्रक पूर्णतः कोलमडलं आहे. या मार्गावरून प्रवास करणाऱ्या सगळ्या प्रवाशांना नाहक मनस्ताप सहन करावा लागतो आहे. ठाणे ते वाशी या मार्गावरची लोकल सेवाही ठप्प झाली.