'अरे हा पोलिसांना सांगेन', दोन मित्रांनी एकाला चाकूने भोसकून संपवलं, काय घडलं?

Crime News : हैद्राबादमध्ये पोलिसांना ड्रग्जच्या व्यवहाराची माहिती दिल्याच्या संशयातून एका 30 वर्षीय तरुणाची चाकूने वार करून हत्या करण्यात आली. गुरुवारी संध्याकाळी ही घटना घडली. मृत तरुणाची ओळख वसीम उर्फ मोहम्मद नसीरुद्दीन अहमद अशी झाली आहे. पोलिसांच्या माहितीनुसार, वसीम आणि त्याच्यावर हल्ला करणाऱ्या दोन्ही आरोपींविरोधात यापूर्वी ड्रग्ज आणि गांजाच्या विक्रीशी संबंधित प्रकरणे दाखल झाली होती. या पार्श्वभूमीवर आरोपींना वसीम पोलिसांसाठी खबऱ्याचे काम करत असल्याचा संशय होता.