डोंबिवली – पोलीस चौकीसमोरील मेडीकल दुकान चोरट्यांनी फोडलं

डोंबिवली शहरातील दुधनाथ यादव यांच्या शिवम मेडीकल या दुकानाचं शटर वाकवून चोरट्यांनी ५ वाजता आत प्रवेश केला. दुकानाच्या बाजूला ऑप्टीलाईफ हॉस्पिटल हे २४ तास सुरु असतं. या भागात रुग्णांची आणि त्यांच्या नातेवाईकांची नेहमी वर्दळ सुरु असते. त्यामुळे अशा भागात चोरी करत चोरट्यांनी थेट पोलीस यंत्रणेलाच आव्हान दिलं आहे.

दुकानातील १५ हजार रुपये आणि कॉस्मेटिकच्या काही साहित्यावर हात साफ करत चोरटे पसार झाले आहेत. मात्र सीसीटीव्हीमध्ये त्यांचा चेहरा साफ दिसत असून पोलीस त्या आधारावर चोरट्यांचा तपास करत आहेत.