Pahalgam Accident: ITBP जवानांच्या बसला गंभीर अपघात; 6 शहीद तर अनेक जखमी

अमरनाथ यात्रेच्या कर्तव्यात व्यस्त असलेल्या ITBP जवानांना घेऊन जाणाऱ्या बसला अपघात झाला आहे.
Pahalgam Accident: ITBP जवानांच्या बसला गंभीर अपघात; 6 शहीद तर अनेक जखमी

जम्मू-काश्मीरमधील चंदनवाडी येथे मंगळवारी मोठी दुर्घटना घडली आहे. अमरनाथ यात्रेच्या कर्तव्यात व्यस्त असलेल्या ITBP जवानांना घेऊन जाणाऱ्या बसला अपघात झाला आहे. या अपघातात 6 जवान शहीद झाले आहेत तर अनेक जवान जखमी झाले आहेत. त्यांना एअरलिफ्ट करून श्रीनगर आर्मी हॉस्पिटलमध्ये पाठवण्यात आले आहे. पुढील बचावकार्य सुरू आहे. आयटीबीपीच्या जवानांना घेऊन जाणारी बस चंदनवाडीहून पहलगामला जात होती. त्यानंतर बसचे ब्रेक निकामी झाल्याने बस दरीमध्ये पडली. या बसमध्ये 39 जवान होते. त्यापैकी 37 जवान ITBP चे होते, तर 2 जम्मू-काश्मीर पोलिसांचे होते.

ITBP चे सहा जवान पहलगाममध्ये शहीद

पहलगामपासून चंदनवाडी 16 किमी अंतरावर आहे. नुकतीच अमरनाथ यात्रा संपली. अशा परिस्थितीत या यात्रेत तैनात सुरक्षा दलाचे जवान आपापल्या तुकड्यांमध्ये परतत आहेत. हे जवानही कर्तव्य बजावून परतत होते, असे सांगण्यात येत आहे. त्यानंतर ब्रेक फेल झाल्याने बस खड्ड्यात पडली. बस नदीच्या काठावरुन खूप खाली खड्ड्यात पडली आहे. यात 6 जवान शहीद झाल्याचे सांगण्यात येत आहे. जखमी जवानांना विमानाने श्रीनगरच्या लष्करी रुग्णालयात दाखल करण्यात आले आहे.

अपघात झालेल्या बसच्या मागे आयटीबीपीची आणखी एक बस असल्याचे सांगण्यात येत आहे. त्यात कमांडो होते. समोरच्या बसला अपघात होताच दुसऱ्या बसमध्ये बसलेले कमांडो खाली उतरले आणि त्यांनी तातडीने बचावकार्य सुरू केले.

Related Stories

No stories found.
Mumbai Tak
www.mumbaitak.in