‘अफझल खानाचा वध’ हा देखावा दाखवण्यास अखेर परवानगी; पहा काय म्हणाले पोलीस?

पुण्यातील कोथरूड पोलिसांनी संगम मित्र मंडळाला गणेशोत्सवात छञपती शिवाजी महाराज यांनी अफझल खानाचा वध हा जिवंत देखावा दाखवण्यास परवानगी नाकारली होती. यावरून मोठा वाद उफाळून आला होता. अनेकांनी पोलिसांच्या भूमिकेवर टीका केली होती. अखेर मोठ्या विरोधानंतर पुणे पोलिसांनी अफझल खानाच्या वधाचा देखावा दाखवण्यासाठी परवानगी दिली आहे. त्यामुळे संगम तरुण गणेश मंडळाने आनंद व्यक्त केला आहे. सोबत परवाना शर्तीचा भंग होणार नाही याची दक्षता घ्यावी, असं पत्रात नमूद करण्यात आलं आहे.