समीर वानखेडे चारी बाजूने अडकले?, NCB टीमच्या आधी मुंबई पोलिसांनी सुरु केला 'त्या डील'चा तपास

Sameer Wankhede case enquiry mumbai police: एनसीबीचे अधिकारी समीर वानखेडे यांच्या अडचणीत वाढ होण्याची शक्यता आहे. कारण आता मुंबई पोलीस देखील त्यांच्यावरील आरोपांची चौकशी करत आहे.
aryan khan drugs case sameer wankhede case enquiry mumbai police investigation delhi ncb team kp gosavi puja dadlani
aryan khan drugs case sameer wankhede case enquiry mumbai police investigation delhi ncb team kp gosavi puja dadlani(फाइल फोटो)

Sameer Wankhede Case: मुंबई क्रूझ ड्रग पार्टी प्रकरणादरम्यान एनसीबीचे झोनल डायरेक्टर समीर वानखेडे हे देखील आता अडचणीत सापडू लागले आहेत. या संपूर्ण प्रकरणातील साक्षीदार प्रभाकर सईल यांने आर्यन खानला सोडवण्यासाठी 25 कोटी रुपयांच्या खंडणीचा गंभीर आरोप केला आहे. याच आरोपांची चौकशी करण्यासाठी एनसीबीचे पाच सदस्यीय पथक काही वेळात मुंबईत पोहोचणार आहे. मात्र त्यापूर्वीच मुंबई पोलिसांनी या प्रकरणाचा प्राथमिक तपास सुरू केला आहे.

प्रभाकर सईलच्या आरोपानंतर मुंबई पोलिसांनी समीर वानखेडे आणि इतरांविरुद्ध प्राथमिक चौकशी सुरू केली आहे. मंगळवारी रात्री प्रभाकरचा जबाब कॅमेऱ्यात रेकॉर्ड करण्यात आला आहे. डीसीपी स्तरावरील अधिकाऱ्याने प्रभाकरचे म्हणणे घेतले असून, त्यानंतर तपास सुरू केला आहे. पोलिस आधी इलेक्ट्रॉनिक पुरावे तपासणार असल्याचे सांगण्यात येत आहे.

प्रभाकर सईल याने आपल्या आरोपांमध्ये ज्या लोकांची नावे दिली आहेत आणि त्यांनी सांगितलेल्या ठिकाणांचे सीसीटीव्ही फुटेज तपासले जाणार आहे. याशिवाय प्रभाकरच्या फोनचे लोकेशनही तपासले जात आहे. प्रभाकरने ज्या ठिकाणी पैशाच्या व्यवहाराचा दावा केला आहे त्या ठिकाणचे सीसीटीव्ही फुटेजही स्कॅन केले जाणार आहे. या सर्व प्राथमिक तपासानंतर अहवाल सादर केला जाईल. त्यानंतर एफआयआर नोंदवायचा की नाही याचा निर्णय घेतला जाणार आहे.

किरण गोसावीने शाहरुख खानचा मुलगा आर्यन खान याला समीर वानखेडेच्या सांगण्यावरून 25 कोटींची मागणी केल्याचा आरोप प्रभाकरने केला आहे. यामध्ये काही रकमेचा व्यवहारही झाला होता. याच आरोपांची आता चौकशी सुरू आहे.

दुसरीकडे एनसीबीचे पथकही दिल्लीहून मुंबईत पोहोचले आहे. या टीमचे नेतृत्व एनसीबीचे डीडीजी ज्ञानेश्वर सिंह करत आहेत. एनसीबी मुंबई झोनल डायरेक्टर समीर वानखेडे यांच्यावर आर्यन खान प्रकरणात 25 कोटी रुपयांची मागणी केल्याचा आरोप आहे. याच आरोपांची आता चौकशी सुरू आहे.

डीडीजी ज्ञानेश्वर सिंह यांनी सांगितले की, समीर वानखेडे यांच्यावरील आरोपांच्या तपासावर ते लक्ष ठेवून आहेत. वानखेडे या पदावर कायम राहणार का, असे विचारले असता ते म्हणाले की, आता हे सांगणे घाईचे आहे. आम्ही नुकताच तपास सुरू केला आहे.

मुंबई एनसीबीच्या अधिकाऱ्यांनी त्यांच्यावरील आरोपांचा सविस्तर अहवाल एनसीबी महासंचालकांना सादर केल्याचे सांगण्यात येत आहे. मात्र, समीर वानखेडे यांनी आपल्यावरील सर्व आरोप फेटाळून लावले आहेत.

NCB चा काय आहे अॅक्शन प्लॅन:

- एनसीबीची 5 सदस्यांची टीम सकाळी 11.30 वाजता मुंबईत पोहोचली.

-गेस्ट हाऊसमध्ये कॅम्प ऑफिस सेटअप असेल जेथे दिवसभरातील कारवाई होणार आहे.

- ही टीम मुंबई एनसीबी कार्यालयातही जाणार आहे. यानंतर सर्व संबंधितांना कॅम्प ऑफिसमध्ये चौकशीसाठी बोलावण्यात येणार आहे.

- ही टीम या प्रकरणाशी संबंधित लोकांची चौकशी करेल आणि त्यांचे जबाब नोंदवून घेईल.

कोणा-कोणाची केली जाणार चौकशी?

1. प्रभाकर सईल: किरण गोसावीचा अंगरक्षक असलेल्या प्रभाकरने आरोप केला आहे की, आर्यन प्रकरणात केलेला पंचनामा हा खोटा आहे. कारण एनसीबीच्या अधिकाऱ्यांनी त्याच्या सह्या कोऱ्या कागद्यावर घेतल्या होत्या. तसंच आर्यन खानला सोडण्यासाठी गोसावीने 25 कोटी रुपयांची मागणी देखील केली होती.

2. किरण गोसावी : प्रभाकर सईलने केलेले आरोप गोसावी यांनी फेटाळून लावले आहेत. आर्यन खानसोबत सेल्फी काढल्याने गोसावी हा चर्चेत आला होता. दरम्यान, आता काही फोटो समोर आले आहेत, ज्यामध्ये गोसावी आणि वानखेडे एकत्र दिसत आहेत.

3. समीर वानखेडे : मुंबई एनसीबीचे झोनल डायरेक्टर वानखेडे यांच्यावरही खंडणीचा आरोप करण्यात आला आहे. वानखेडे लोकांना खोट्या केसेसमध्ये अडकवतात आणि त्यांच्याकडून कोट्यवधी रुपयांची वसुली करतात असा गंभीर आरोप महाराष्ट्राचे मंत्री नवाब मलिक यांनी केला आहे.

4. पूजा ददलानी : पूजा ददलानी ही 2012 पासून शाहरुख खानची मॅनेजर आहे. आर्यन खानला अटक झाल्यापासून पूजा हीच या सगळ्या प्रकरणात शाहरुखची बाजू सांभाळत आहे. दुसरीकडे एनसीबीने कोर्टात असा आरोप केला आहे की, पूजा ही या प्रकरणातील साक्षीदारांना प्रभावित करत आहे.

5. सॅम डिसूझा: सॅम डिसूझा आणि केपी गोसावी याचा मित्र आहे. प्रभाकर सईलच्या म्हणण्यानुसार, गोसावी आणि सॅम यांनी 25 कोटींची मागणी केली होती, मात्र हे प्रकरण 18 कोटींमध्ये सेटल करण्याचं ठरत होतं.

Related Stories

No stories found.
logo
Mumbai Tak
www.mumbaitak.in