Jaya Bachchan: ‘मी शाप देते.. तुमचे ‘बुरे दिन’ येतील’, जया बच्चन भर सभागृहात एवढ्या का संतापल्या?

जया बच्चन यांना नार्कोटिक ड्रग्ज अँड सायकोट्रॉपिक सबस्टन्सेस (सुधारणा) विधेयक 2021 वर चर्चा करण्यासाठी बोलावण्यात आले, तेव्हा सुरुवातीलाच त्या म्हणाल्या की, ‘मला तुमचे आभार मानायचे नाहीत. कारण आपण जेव्हा या बाजूला होतात तेव्हा ओरडत-ओरडत तुम्ही वेलमध्ये जात असत. मी ती वेळ आठवावी की आज तुम्ही खुर्चीवर बसलात ती वेळ आठवावी? असा मला प्रश्न पडला आहे.’

जया बच्चन यांच्या या बोलण्यावर भाजप खासदार राकेश सिन्हा यांनी त्यांच्यावर संसदेची प्रतिष्ठा कमी केल्याचा आरोप केला. त्यांनी संसदेच्या अध्यक्षांना वैयक्तिकरित्या संबोधित केल्याचा आरोपही केला. ‘संसेदत अशा प्रकारची वागणूक योग्य नाही, त्यामुळे संसदेच्या प्रतिष्ठेला धक्का पोहोचला आहे. असे ते म्हणाले. खुर्चीचा असा अपमान कोणी करू शकत नाही.’ असं ते म्हणाले.

त्यावेळी भुवनेश्वर कलिता हे सभापतीच्या खुर्चीवर बसले होते. त्यांनी जया बच्चन यांना सन्माननीय सदस्य म्हणून बोलावून त्यांचा मुद्दा पुन्हा सांगण्यास सांगितले.