काश्मीरमध्ये तीन दशकांनंतर सुरू झाले सिनेमा हॉल-मल्टीप्लेक्स, अजूनही स्थिती का आहे तणावपूर्ण?

पण काश्मीरच्या भूमित मल्टिप्लेक्स सुरू करण्याचा हा मार्ग तितका सोपा नव्हता. याआधीही काश्‍मीरमध्ये अनेकवेळा सिनेमा हॉल सुरू करण्याचे प्रयत्न झाले, मात्र ते यशस्वी होऊ शकले नाहीत. श्रीनगरमध्ये आज उघडलेल्या पहिल्या मल्टिप्लेक्समध्ये आमिर खानचा लाल सिंग चड्ढा हा चित्रपट प्रथम दाखवला जात आहे, जो लेफ्टनंट गव्हर्नर मनोज सिन्हा देखील प्रेक्षकांसोबत पाहत आहेत.

श्रीनगरमधील मल्टिप्लेक्सची वैशिष्ट्य

पीटीआयने दिलेल्या वृत्तानुसार, श्रीनगरमध्ये आयनॉक्सने बांधलेल्या या मल्टिप्लेक्समध्ये तीन स्क्रीन आणि फूड कोर्ट असणार आहे. येथे 520 लोक एकत्र बसून चित्रपट पाहू शकतील. सध्या सकाळी 9 ते संध्याकाळी 6 या वेळेत दिवसातून तीन शो दाखवण्यात येतील. दर्शकांच्या संख्येनुसार नंतर बदल केले जातील.

काश्मीरमध्ये सिनेमा हॉल सुरू करण्यावरून गदारोळ

काश्मीरमध्ये सिनेमा हॉल सुरू होण्यावरूनही गदारोळ सुरू आहे. एआयएमआयएमचे प्रमुख ओवेसी यांनी स्पष्टपणे म्हटले आहे की, काश्मीरमध्ये सिनेमा हॉल सुरू होत आहेत पण श्रीनगरमधील जामिया मशीद दर शुक्रवारी बंद असते. AIMIM चे प्रमुख असदुद्दीन ओवेसी यांनी भाजप सरकारवर निशाणा साधला आणि म्हणाले की, तुम्ही शोपियान आणि पुलवामामध्ये सिनेमा हॉल उघडले पण श्रीनगरमधील जामिया मशीद दर शुक्रवारी बंद का ठेवली जाते?