किरण गोसावीची सहा दिवसांच्या पोलीस कोठडीत रवानागी
आर्यन खान ड्रग्ज प्रकरणातील वादग्रस्त पंच किरण गोसावी याची सहा दिवसांच्या पोलीस कोठडीत रवानगी करण्यात आली आहे. किरण गोसावी हा फसवणुकीच्या गुन्ह्यातील फरार आरोपी होता. त्याला काही दिवसांपूर्वीच अटक करण्यात आली. आर्थिक गुन्हे फसवणूक प्रकरणात त्याला अटक करण्यात आली आहे. पुण्यातील चिन्मय देशमुख या तरुणाच्या आर्थिक फसवणूक प्रकरणी किरण गोसावीला (Kiran Gosavi) अटक करण्यात आल्यानंतर […]
ADVERTISEMENT
आर्यन खान ड्रग्ज प्रकरणातील वादग्रस्त पंच किरण गोसावी याची सहा दिवसांच्या पोलीस कोठडीत रवानगी करण्यात आली आहे. किरण गोसावी हा फसवणुकीच्या गुन्ह्यातील फरार आरोपी होता. त्याला काही दिवसांपूर्वीच अटक करण्यात आली. आर्थिक गुन्हे फसवणूक प्रकरणात त्याला अटक करण्यात आली आहे.
पुण्यातील चिन्मय देशमुख या तरुणाच्या आर्थिक फसवणूक प्रकरणी किरण गोसावीला (Kiran Gosavi) अटक करण्यात आल्यानंतर आता राज्यातील अनेक भागात आर्थिक फसवणुकीचे गुन्हा दाखल झाले आहेत. त्या पार्श्वभूमीवर 9 नोव्हेंबरला पुणे न्यायालयामध्ये किरण गोसावीला हजर केल्यावर त्याला न्यायालयीन कोठडी सुनावण्यात आली. आता आज त्याला सहा दिवसांची पोलीस कोठडी सुनावण्यात आली आहे.
आर्यन खान ड्रग्स प्रकरणात (Aryan Khan Drug Case) प्राथमिक साक्षीदार असलेल्या किरण गोसावी हा आर्यन खान सोबतच्या एका सेल्फीमुळे चर्चेत आला होता. क्रूझवरील छाप्यानंतर गोसावीच आर्यनला खेचून NCB कार्यालयात गेला होता. पण त्यानंतर त्याचा एक सेल्फी समोर आला होता. याच सेल्फीमुळे तो स्वत:ही अडचणीत आला होता. पण यासोबतच या संपूर्ण प्रकरणाला देखील वेगळं वळण लागलं.
गोसावीच्या सेल्फीमुळे हे उघड झालं की, पुण्यातील एका प्रकरणात तो फरार होता. दरम्यान, आर्यनच्या ड्रग्स प्रकरणात केपी गोसावी हा चर्चेत आल्यानंतर पुणे पोलिसांकडून एका जुन्या प्रकरणात त्याला अटक करण्यात आली. याच प्रकरणात आता कोर्टाने त्याला न्यायालयीन कोठडी सुनावली आहे.
हे वाचलं का?
