ओमिक्रॉनचा कहर.. ब्रिटनमध्ये एका दिवसात तब्बल 78,610 नवे रुग्ण, भारतात येऊ शकते लॉकडाऊनची वेळ?

ओमिक्रॉनचा कहर.. ब्रिटनमध्ये एका दिवसात तब्बल 78,610 नवे रुग्ण, भारतात येऊ शकते लॉकडाऊनची वेळ?
omicron havoc intensifies all records broken in britain corona cases doubled in america what is condition in india(फाइल फोटो)

लंडन: कोविड-19 (Covid-19) चा नवीन ओमिक्रॉन व्हेरिएंट (Omicron variant) आता जगभरात हाहाकार माजवत आहे. त्याची भीषणता ब्रिटन आणि अमेरिकेत सर्वाधिक आहे. एकीकडे या व्हेरिएंटमुळे ब्रिटनमधील कोरोनाचे सर्व रेकॉर्ड मोडले आहेत. तर त्याच वेळी अमेरिकेतही एका दिवसात कोव्हिडचे रुग्ण दुप्पट झाले आहेत. ब्रिटनमध्ये बुधवारी तब्बल 78,610 नवे रुग्ण आढळून आल्याने प्रचंड खळबळ माजली आहे. तब्बल 12 महिन्यांनंतर इतक्या मोठ्या प्रमाणात रुग्ण सापडले आहेत. या वर्षाच्या सुरुवातीला 8 जानेवारी रोजी 68,053 रुग्ण सापडले होते. पण तेव्हा ब्रिटनमध्ये लॉकडाऊन लागू होता.

ब्रिटनचे पंतप्रधान बोरिस जॉन्सन यांनी स्पष्ट केलं आहे की, ओमिक्रॉनचे रुग्ण आता दुप्पट वेगाने वाढत आहेत. ते रोखण्यासाठी अत्यंत काळजी घेणे आवश्यक आहे. ते म्हणाले की आपल्याला बूस्टर डोस देखील वाढवावा लागेल. कारण त्या एका गोष्टीमुळेच आपण या संसर्गाचा सामना करु शकतो.

जॉन्सन म्हणाले की, 'ओमिक्रॉनच्या संकटातून बाहेर पडण्यासाठी लसीकरणावर भर द्यावा लागेल. लसीकरण करण्याचा प्रयत्न करा आणि ओमिक्रॉनचा प्रसार कमी करा.'

मंगळवारी ब्रिटनमध्ये कोरोनाचे 59,610 नवीन रुग्ण आढळून आले होते. त्यानंतर एकाच दिवसात तब्बल 20 हजार केसेस वाढल्याने खळबळ उडाली आहे. ब्रिटनचे पीएम जॉन्सन म्हणाले की, असे काही भाग आहेत जिथे एका दिवसात रुग्णसंख्या ही दुप्पट झाली आहे.

लसीकरणाला प्रोत्साहन दिले पाहिजे

कोरोनाच्या वाढत्या केसेसमध्ये, पंतप्रधान बोरिस जॉन्सन यांनी लोकांना इशारा दिला की, लस मिळवण्यासोबतच आपल्याला कोरोनापासून बचावाचे सर्व नियम पाळले पाहिजेत. दुसरीकडे, इंग्लंडचे मुख्य वैद्यकीय अधिकारी (सीएमओ) ख्रिस व्हिट्टी म्हणाले की लोकांच्या सुरक्षिततेसाठी लसीकरण अत्यंत महत्त्वाचे आहे.

कोरोनापासून बचाव करण्यासाठी मास्क लावा

तथापि, यूकेचे आरोग्य सचिव साजिद जाविद यांनी येत्या आठवड्यात नवीन निर्बंध लागू करण्यास नकार दिला आहे. पण ते म्हणाले की, आपल्याला फेस मास्कवर खूप लक्ष द्यावे लागेल. घराबाहेर पडताना मास्क घालणे महत्त्वाचे आहे. तसेच जास्तीत जास्त लसीकरणावर भर द्यावा लागेल.

वृद्धांना जास्त धोका असतो: व्हाईट हाऊस

दुसरीकडे अमेरिकेच्या व्हाईट हाऊसने सांगितले की, सध्या लॉकडाऊनची गरज नाही, कारण मोठ्या संख्येने लोकांचे लसीकरण केले जात आहे. पण काळजी घेणे खूप गरजेचे आहे. कारण हा एकमेव मार्ग आहे ज्यामुळे आपण कोरोनाला टाळू शकतो. यावेळी व्हाईट हाऊसने म्हटले आहे की, जरी ओमिक्रॉन जुन्या डेल्टापेक्षा कमी धोकादायक असला तरीही तो वृद्धांसाठी समस्या बनू शकतो.

omicron havoc intensifies all records broken in britain corona cases doubled in america what is condition in india
Omicron: महाराष्ट्रात ओमिक्रॉनने भरवली धडकी, दिवसभरात सापडले 8 नवे रुग्ण; पुन्हा लॉकडाऊन?

भारतात काय स्थिती?

देशातील कोरोनाच्या ओमिक्रॉन व्हेरिएंटचा संसर्ग झालेल्या रुग्णांची संख्या आता हळूहळू वाढत असल्याचे दिसते आहे. मागील काही दिवसांपासून देशातील ओमिक्रॉन व्हेरिएंटच्या रुग्णांची संख्या वाढत असून, ही संख्या आता 61 वर पोहोचली आहे. जर भारतात कोरोनाची पुन्हा एकदा गंभीर परिस्थिती उद्भवली तर मात्र लॉकडाऊनचा निर्णय देखील घेतला जाऊ शकतो.

महाराष्ट्रात सर्वाधिक रुग्णसंख्या

ओमिक्रॉन व्हेरिएंटचा संसर्ग झालेले सर्वाधिक रुग्ण महाराष्ट्रात आढळून आले आहे. यातील काही रुग्ण बरेही झाले आहेत. एकूण रुग्णसंख्या 28 झाली आहे. तर त्यापाठोपाठ राजस्थान 17 रुग्ण, कर्नाटक 3 रुग्ण, गुजरात 4 रुग्ण, केरळ 1 रुग्ण आंध्र प्रदेश 1 रुग्ण, दिल्ली 6 रुग्ण, चंदीगड 1 रुग्ण अशा स्वरूपात रुग्ण आढळून आले आहेत.

Related Stories

No stories found.
Mumbai Tak
www.mumbaitak.in