भाडे दिले नाही म्हणून रिक्षाचालकाचा अल्पवयीन मुलीवर बलात्कार, पुण्यातली खळबळजनक घटना

भाडे दिले नाही म्हणून रिक्षाचालकाचा अल्पवयीन मुलीवर बलात्कार, पुण्यातली खळबळजनक घटना

पुण्यात एका अल्पवयीन मुलीवर बलात्काराची घटना समोर आली आहे. पुणे शहरातील रेसकोर्स भागात एका रिक्षाचालकाने अल्पवयीन मुलीवर बलात्कार केला. रिक्षाभाडे दिलं नाही त्यामुळे या रिक्षाचालकाने मुलीला रेसकोर्स भागातल्या झाडीमध्ये नेलं आणि तिच्यावर बलात्कार केला.

पोलिसांनी या प्रकरणी गुन्हा दाखल करत रिक्षाचालकासह तिघांना अटक केली आहे. सागर बचुटे (वय-24), विकी कुमार फुलो पासवान (वय-23) आणि अशोक वीर बहादुर थापा (वय-23) अशी अटक करण्यात आलेल्या आरोपींची नावं आहेत. या प्रकरणी एका 16 वर्षीय मुलीने तक्रार दिली आहे. गेल्या वर्षी डिसेंबर महिन्यात आणि 5 जानेवारीला हा प्रकार घडला. या दोन्ही वेळी या पीडितेवर बलात्कार कऱण्यात आला.

(प्रातिनिधिक फोटो)

डिसेंबर 2021 च्या दुसऱ्या आठवड्यात फिर्यादी फुरसुंगी परिसरात राहताना ओळखीच्या असलेल्या इतर आरोपींनी फिर्यादी आणि तिच्या मैत्रिणीसोबत जबरदस्ती करण्याचा प्रयत्न करून त्यांची छेड काढली. या प्रकरणी बलात्कार आणि पॉस्को अंतर्गत गुन्हा दाखल करून आरोपींना अटक केली आहे. या प्रकरणी पुढील तपास सुरू आहे.

भाडे दिले नाही म्हणून रिक्षाचालकाचा अल्पवयीन मुलीवर बलात्कार, पुण्यातली खळबळजनक घटना
क्रूरतेचा कळस! अल्पवयीन मुलीवर महिलेनं पतीला नजरेसमोर करायला लावला बलात्कार

पोलिसांनी दिलेल्या माहितीनुसार, पीडीत मुलगी तिच्या मैत्रिणीसह पाच जानेवारी रोजी बुधवार पेठ येथे रिक्षाने येत होती. पण, रिक्षाचे भाडे देण्यासाठी पैसे नसल्याचे नंतर त्यांच्या लक्षात आले. रिक्षाचे भाडे देण्यासाठी पैसे नसल्याच्या मजबुरीचा आरोपी सागर याने फायदा घेऊन पीडित मुलीवर रेसकोर्स परिसरातील झाडीमध्ये बलात्कार केला. तसेच, डिसेंबरच्या शेवटच्या आठवड्यात पीडित मुलगी राहत असलेल्या ठिकाणी आरोपी पासवान व थापा गेले. त्यांनी पीडित मुलगी व तिच्या मैत्रिणीसोबत जबरदस्ती करण्याचा प्रयत्न केला. याबाबत दोघींनी हडपसर पोलिसांकडे तक्रार दिल्यानंतर तात्काळ गुन्हा दाखल करत तिघांना अटक करण्यात आली आहे. या प्रकरणी हडपसर पोलीस तपास करत आहेत.

Related Stories

No stories found.
Mumbai Tak
www.mumbaitak.in