संजय राऊतांचा ईडी कोठडीतील मुक्काम वाढला, PMLA न्यायालयात कुणी काय सांगितलं?
पत्रा चाळ जमीन घोटाळा प्रकरणी ईडीच्या अटकेत असलेले शिवसेनेचे खासदार संजय राऊत यांचा कोठडीतील मुक्काम वाढला आहे. संजय राऊत यांना ४ ऑगस्टपर्यंत पीएमएलए न्यायालयाने कोठडी सुनावली होती. कोठडी संपत असल्यानं त्यांना न्यायालयात हजर करण्यात आलं होतं. सुनावणी दरम्यान ईडीने विविध आकडेवारी आणि माहिती न्यायालयात सादर केली. प्रकरणाचा तपास महत्त्वाच्या टप्प्यावर पोहोचला असल्याचं सांगत ईडीने संजय […]
ADVERTISEMENT
पत्रा चाळ जमीन घोटाळा प्रकरणी ईडीच्या अटकेत असलेले शिवसेनेचे खासदार संजय राऊत यांचा कोठडीतील मुक्काम वाढला आहे. संजय राऊत यांना ४ ऑगस्टपर्यंत पीएमएलए न्यायालयाने कोठडी सुनावली होती. कोठडी संपत असल्यानं त्यांना न्यायालयात हजर करण्यात आलं होतं. सुनावणी दरम्यान ईडीने विविध आकडेवारी आणि माहिती न्यायालयात सादर केली. प्रकरणाचा तपास महत्त्वाच्या टप्प्यावर पोहोचला असल्याचं सांगत ईडीने संजय राऊत यांना १० ऑगस्टपर्यंत कोठडी देण्याची मागणी केली होती. मात्र, पीएमएलए न्यायालयाने संजय राऊतांच्या कोठडीत चार दिवसांची कोठडी वाढवून दिली.
संजय राऊत यांना ईडी कोठडीतून पीएमएलए न्यायालयात आणलं गेलं होतं
ईडीच्या कोठडीत असलेल्या खासदार संजय राऊत यांना मुंबईतील पीएमएलए न्यायालयात हजर करण्यात आलं. यावेळी ईडीच्या वतीने हितेन वेणेगावकर यांनी बाजू मांडली. यावेळी ईडीने प्रकरणाशी संबंधित लोकांच्या नावांची यादी आणि रोख रक्कमेची माहिती न्यायालयात सादर केली.
या प्रकरणाशी संबंधित व्यक्तींना समन्स पाठवण्यात आलेलं असून, पुढील तपास करण्याची गरज आहे. प्रविण राऊत हे संजय राऊत यांचे फ्रंटमॅन असून, या प्रकरणाचा अधिक खोलात जाऊन तपास करत आहोत, असं ईडीने न्यायालयात सांगितलं.
ज्या बँक खात्यांद्वारे व्यवहार झाला, ती अनेक ठिकाणी आहेत. त्यामुळे सर्व कागदपत्रे आणि समन्स बजावलेल्या लोकांची चौकशी करण्यासाठी वेळ हवाय. त्यामुळे १० ऑगस्टपर्यंत संजय राऊतांना कोठडी द्यावी, अशी मागणी ईडीने न्यायालयात केली.
हे वाचलं का?
