व्यावसायिकाच्या हत्येचं प्रकरण 180 अंशात बदललं, आधी सुनेवर ठपका आता वेगळं वळण!

Vineet Minocha murder case :औषध विक्रेते आणि कोट्याधीश व्यावसायिक विनीत मिनोचा यांच्या हत्येप्रकरणी तपासाला नवे वळण मिळाले आहे. पोलिसांच्या चौकशीत त्यांचा मुलगा सुब्रत मिनोचा याने वडिलांच्या हत्येची जबाबदारी स्वीकारल्याचे समोर आले आहे. सुरुवातीला सुब्रतने या हत्येसाठी पत्नी शालू मिनोचा हिला जबाबदार ठरवले होते. मात्र अटकेची शक्यता लक्षात आल्यानंतर त्याने आपला जबाब बदलला आणि हत्येत शालूचा कोणताही सहभाग नसल्याचे सांगितले.