आनंदराव अडसुळ यांची ED तर्फे City Bank प्रकरणात चौकशी; अडसुळांची तब्बेत बिघडली

Co-operative bank fraud case Anandrao Adsul Summoned by ED: शिवसेना नेते आनंदराव अडसूळ यांच्या मुंबईतील घरावर ईडीच्या अधिकाऱ्यांनी छापा मारला आहे.
आनंदराव अडसुळ यांची ED तर्फे City Bank प्रकरणात चौकशी; अडसुळांची तब्बेत बिघडली
Former Shiv Sena MP Anandrao Adsul Summoned by ED in co-operative bank fraud case(फाइल फोटो)

मुंबई: शिवसेनेचे माजी खासदार आनंदराव अडसूळ यांच्या घरी आणि कार्यालयावर अंमलबजावणी संचलनालयाने (ED) छापेमारी केली असल्याची प्राथमिक माहिती समजते आहे. आज (27 सप्टेंबर) सकाळी आठ वाजेच्या सुमारास ईडीच्या अधिकाऱ्यांनी अडसूळ यांच्या मुंबईतील कांदिवलीमधील घरी छापा मारला. तसेच त्यांच्या कार्यालयावर देखील छापा मारण्यात आला. यानंतर साधारण तीन तास अडसूळ यांची चौकशी करण्यात आली.

दरम्यान, ही चौकशी सुरु असतानाच अडसूळ यांची अचानक तब्येत खराब झाली. त्यामुळे त्यांच्यासाठी तात्काळ रुग्णवाहिका बोलविण्यात आली. यावेळी त्यांना स्ट्रेचरवरून रुग्णवाहिकेत नेण्यात आलं आणि गोरेगावमधील एका खासगी हॉस्पिटलमध्ये त्यांना दाखल करण्यात आलं असल्याची माहिती मिळते आहे.

राज्यात महाविकास आघाडी सरकार आल्यानंतर सत्ताधारी पक्षातील नेत्यांच्या मागे केंद्रीय तपास यंत्रणांचा आणि त्यातही विशेषत: ईडीचा ससेमिरा लागला आहे.

त्यातच आता शिवसेनेचे माजी खासदार आनंदराव अडसूळही हे ED च्या रडावर आले आहेत. याआधी ईडीने आनंद अडसूळ यांना समन्स बजावलं होतं. तर आज (27 सप्टेंबर) त्यांच्या घरावर छापा टाकण्यात आला.

City Cooperative Bank मध्ये पैशाच्या अफरातफरीवरुन ईडीकडे तक्रार करण्यात आली होती. काही दिवसांपूर्वीच ईडीने बँकेसह मुंबईतील सहा ठिकाणी छापेमारी देखील केली होती.

दरम्यान, या सगळ्या प्रकरणी भाजप नेते किरीट सोमय्या यांनी देखील प्रतिक्रिया दिली आहे. पाहा याविषयी किरीट सोमय्या काय म्हणाले.

'घोटाळेबाजांविरोधात कारवाई होणार.. होणार.. होणार..'

शिवसेना नेते आनंदराव अडसूळ यांनी City Cooperative Bank मध्ये 94 कोटींचा घोटाळा केला आहे. कोट्यवधी रुपये त्यांच्या खात्यात आले आहेत. राज्य सरकारकडे अनेकदा तक्रार केली. पण उद्धव ठाकरेंनी कारवाई केली नाही. ईडीने अनेक समन्स पाठवले होते. आज अडसूळ यांना अटक करण्यात आली. घोटाळेबाज बँकांना लुटतील, घोटाळे करतील आणि यावर कारवाई झाली तर त्याला राजकीय कारवाई म्हणतात. घोटाळेबाजांविरोधात कारवाई होणार... होणार.. होणार...

अडसूळ यांच्यावर नेमके आरोप काय?

आंनदराव अडसूळ यांनी सिटी को-ऑप बँकेत पैशांची अफरातफर केल्याचा आरोप आमदार रवी राणा यांनी केला. त्यांनी आनंदराव अडसूळ यांच्या विरोधात काही कागदपत्रं देखील ईडी कार्यालयाला दिले होते. सिटी को-ऑप बँकेच्या मुंबईमध्ये 13-14 शाखा आहेत. या बँकेत 900 खातेदार आहेत. ही बँक बुडण्यास अनधिकृतरित्या वाटलेली कर्ज कारणीभूत आहेत. असा आरोप रवी राणा यांनी केला होता.

याच प्रकरणात आता ईडीने अडसूळ यांच्या घरी छापा मारुन त्यांची कसून चौकशी केली. मात्र, त्यांची प्रकृती बिघडल्याने त्यांना रुग्णालयात दाखल करावं लागलं आहे. दरम्यान, आता याबाबत ईडी नेमकी काय कारवाई करणार हे पाहणं महत्त्वाचं ठरणार आहे.

Former Shiv Sena MP Anandrao Adsul Summoned by ED in co-operative bank fraud case
Shivsena माजी खासदार आनंदराव अडसूळ ED च्या रडारवर

पाच वेळा खासदार असलेल्या आनंदराव अडसूळ यांचा नवनीत राणांनी केला होता पराभव

आनंदराव अडसूळ हे शिवसेनेच्या ज्येष्ठ नेत्यांपैकी एक आहेत. अमरावती लोकसभा मतदारसंघातून ते तब्बल पाच वेळा निवडून आले आहेत. 1996 सालापासून अडसूळ हे सातत्याने लोकसभेवर निवडून जात होते. मात्र, 2019 साली नवनीत राणा यांनी अडसूळ यांचा आश्चर्यकारकरित्या पराभव केला होता. तेव्हापासून अडसूळ विरुद्ध नवनीत राणा हे चित्र सातत्याने अमरावतीत पाहायला मिळत आहे.

Related Stories

No stories found.