Dombivali: बहुमजली इमारतीत राहणाऱ्या 240 कुटुंबांना शाळेत काढावी लागली रात्र

Big crack of the Building : डोंबिवलीतील (Dombivali) शांती उपवन कॉम्प्लेक्समधील एका इमारतीला (Building) भला मोठा तडा गेल्याची घटना शनिवारी रात्री घडली. इमारतीमधील रहिवाशांना जोरदार आवाज ऐकू आला त्यामुळे तात्काळ इमारतीमधील रहिवाशांनी बाहेर धाव घेतली. शांती उपवन (Shanti Upvan) हा कॉम्प्लेक्स सुमारे 22 वर्षे जुना आहे. या कॉम्प्लेक्स मध्ये 240 कुटुंब राहतात. तर तडा गेलेल्या […]

मुंबई तक

05 Mar 2023 (अपडेटेड: 05 Mar 2023, 12:18 AM)

Big crack of the Building : डोंबिवलीतील (Dombivali) शांती उपवन कॉम्प्लेक्समधील एका इमारतीला (Building) भला मोठा तडा गेल्याची घटना शनिवारी रात्री घडली. इमारतीमधील रहिवाशांना जोरदार आवाज ऐकू आला त्यामुळे तात्काळ इमारतीमधील रहिवाशांनी बाहेर धाव घेतली. शांती उपवन (Shanti Upvan) हा कॉम्प्लेक्स सुमारे 22 वर्षे जुना आहे. या कॉम्प्लेक्स मध्ये 240 कुटुंब राहतात. तर तडा गेलेल्या विंग मध्ये 42 कुटुंब राहत होते. सगळ्यांना सुखरूप बाहेर काढण्यात अग्निशमन विभागाला यश आले. immediately the residents of the building rushed out

अमरावती शहरातील दुमजली इमारत कोसळली; पाच जणांचा मृत्यू, दोन जखमी

अचानक झालेल्या आवाजाने नागरिकांमध्ये भीतीचे वातावरण निर्माण झाले. दरम्यान या इमारतींमधील कुटुंबांना परिसरातील शाळा व समाज मंदिराच्या हॉलमध्ये स्थलांतरित करण्यात आले. त्याचबरोबर सदर इमारत निष्कासित करण्यात येणार असल्याचे महापालिकेच्यावतीने सांगण्यात आले आहे. अनेकवेळा इमारत जुनी असून धोकादायक बनू शकते, अशी तक्रार रहिवाशी संबंधित बिल्डर आणि पालिकेकडे करत होते. तात्काळ आम्हाला पर्यायी जागा देऊन आमचा प्रश्न सोडवावा, अशी मागणी इमारतीतील नागरिक करीत आहेत.

कॉम्प्लेक्समधील एफ विंगमध्ये जोरदार आवाज झाला

डोंबिवली पूर्वेकडील लोढा हेवन परिसरात शांती उपवन कॉम्प्लेक्समध्ये एकूण पाच विंग आहेत. हे कॉम्प्लेक्स 22 वर्ष जुने आहे. या कॉम्प्लेक्समध्ये एकूण 240 कुटुंब राहतात. शनिवारी रात्रीच्या सुमारास या कॉम्प्लेक्समधील एफ विंग मध्ये जोरदार आवाज झाला. काही घरांमध्ये माती देखील पडली. त्यामुळे घाबरलेल्या रहिवाशांनी इमारती बाहेर पळ काढला. काही क्षणातच इमारतीला भला मोठा तडा गेल्याचं रहिवाशांना दिसून आलं. याबाबत तात्काळ अग्निशमन विभागाला माहिती देण्यात आली.