बुरखा घालून मैत्रिणीला भेटायला आलेल्या तरूणाला बेदम मारहाण, साताऱ्यातली धक्कादायक घटना

आज दुपारी साडेबारा वाजण्याच्या सुमारास करंजे येथील तामजाईनगरमध्ये एक युवक बुरखा घालून आला होता. तो शाळेचे नाव विचारात होता. यावेळी तेथील एका दुकानदाराला संशय आल्याने त्याने त्याला पकडले. यावेळी बुरख्यात तरूण असल्याचं लक्षात येताच हा मुले पळवायला आला की काय? अशा संशयाने त्याला मारहाण करण्यात आली. तोच शाहूपुरी पोलिसांना फोन करून युवकाला त्यांच्या ताब्यात देण्यात आले. पोलिसांनी त्याला खाक्या दाखवताच तो मैत्रिणीला भेटायला आल्याचे सांगितलं.

बुरखा घालून मैत्रिणीला भेटायला आला तरूण

साताऱ्यातल्या तामजाईनगरमध्ये शुक्रवारी दुपारी साडेबारा वाजण्याच्या सुमारास एक युवक बुरखा घालून आपल्या मैत्रिणीला भेटायला आला होता. तिच्या घरचा पत्ता माहिती नसल्याने तो शाळा कुठे आहे. अशी हिंदी भाषेतून विचारणा करू लागला. बुरख्यातून पुरूषाचा आवाज येत असल्याने दुकानदाराला संशय आला. त्याने युवकाला उलटसुलट प्रश्न विचारले, युवकाला पकडून ठेवले. यामुळे हा युवक पळून जाण्याचा प्रयत्न करू लागला. दुकानदाराच्या ही बाब लक्षात येताच त्याने आरडाओरडा करत इतर लोकांना बोलवलं.

बुरखा घालून डान्स केल्याने अभिनेत्री मंदाना झाली ट्रोल