मुख्यमंत्री ठाकरे आज घेणार राज्यपाल कोश्यारींची भेट, भेटीचं नेमकं कारण काय?
मुंबई: राज्यातील मराठा आरक्षण सुप्रीम कोर्टाकडून रद्द करण्यात आल्यानंतर आता राज्यातील महाविकास आघाडी सरकारने त्यासाठी नव्याने प्रयत्न करणार असल्याचं समजतं आहे. यासाठी मुख्यमंत्री उद्धव ठाकरे, उपमुख्यमंत्री अजित पवार, मराठा आरक्षण उपसमिती अध्यक्ष अशोक चव्हाण, गृहमंत्री दिलीप वळसे पाटील आणि महसूलमंत्री बाळासाहेब थोरात हे आज (11 मे) राज्यपाल भगतसिंह कोश्यारी यांची राजभवनात जाऊन भेट घेणार आहेत. […]
ADVERTISEMENT
मुंबई: राज्यातील मराठा आरक्षण सुप्रीम कोर्टाकडून रद्द करण्यात आल्यानंतर आता राज्यातील महाविकास आघाडी सरकारने त्यासाठी नव्याने प्रयत्न करणार असल्याचं समजतं आहे. यासाठी मुख्यमंत्री उद्धव ठाकरे, उपमुख्यमंत्री अजित पवार, मराठा आरक्षण उपसमिती अध्यक्ष अशोक चव्हाण, गृहमंत्री दिलीप वळसे पाटील आणि महसूलमंत्री बाळासाहेब थोरात हे आज (11 मे) राज्यपाल भगतसिंह कोश्यारी यांची राजभवनात जाऊन भेट घेणार आहेत.
आज सायंकाळी 5 वाजता मुख्यमंत्र्यांसह हे संपूर्ण शिष्टमंडळ राज्यपालांची भेट घेणार आहेत. सर्वोच्च न्यायालयानं आरक्षणाचा निर्णय घेण्याचा अधिकार राज्यांना नसून तो केंद्र सरकार आणि राष्ट्रपती यांनाच असल्याचं आपल्या निकालपत्रात म्हटलं होतं. त्यामुळे आता मुख्यमंत्री उद्धव ठाकरे हे आता याच विषयावर चर्चा करण्यासाठी राज्यपालांची भेट घेणार असल्याचं समजतं आहे.
18 मे 2020 रोजी मुख्यमंत्री उद्धव ठाकरे यांनी सपत्नीक राजभवनावर जाऊन राज्यपाल कोश्यारी यांची भेट घेतली होती. त्यानंतर जवळजवळ 1 वर्षानंतर मुख्यमंत्री हे पुन्हा एकदा राजभवनवर जाऊन राज्यपालांची भेट घेणार आहेत. दरम्यान, गेल्या वर्षभरात मुख्यमंत्री आणि राज्यपाल यांच्यात बरीच सुंदोपसुंदी पाहायला मिळाली होती. या सगळ्या पार्श्वभूमीवर मुख्यमंत्री आणि राज्यपाल यांची आजची भेट ही महत्त्वाची ठरणार आहे.
मराठा आरक्षण रद्द, जाणून घ्या खासदार संभाजीराजे यांची नेमकी प्रतिक्रिया
हे वाचलं का?
