साळवी-राऊतांमध्ये पुन्हा वादाची ठिणगी : रिफायनरीवरील शिवसेनेच्या भूमिकेबाबत प्रश्नचिन्ह
रत्नागिरी : कोकणातील बहुचर्चित बारसू-सोलगाव रिफायनरी प्रकल्पावरुन सध्या शिवसेनेमध्येच अंतर्गत संघर्ष सुरु आहे. शिवसेना पक्षप्रमुख उद्धव ठाकरे यांच्या अत्यंत निकटवर्तीय समजल्या जाणाऱ्या खासदार विनायक राऊत आणि आमदार राजन साळवी या दोन नेत्यांमध्ये रिफायनरी प्रकल्पावरुन पुन्हा एकदा वादाची ठिणगी पडली आहे. त्यामुळे मागील दोन वर्षांपासून दोघांमध्ये सुरु असलेला हा वाद अद्यापही धुमसत आहे. आमदार राजन साळवी […]
ADVERTISEMENT
रत्नागिरी : कोकणातील बहुचर्चित बारसू-सोलगाव रिफायनरी प्रकल्पावरुन सध्या शिवसेनेमध्येच अंतर्गत संघर्ष सुरु आहे. शिवसेना पक्षप्रमुख उद्धव ठाकरे यांच्या अत्यंत निकटवर्तीय समजल्या जाणाऱ्या खासदार विनायक राऊत आणि आमदार राजन साळवी या दोन नेत्यांमध्ये रिफायनरी प्रकल्पावरुन पुन्हा एकदा वादाची ठिणगी पडली आहे. त्यामुळे मागील दोन वर्षांपासून दोघांमध्ये सुरु असलेला हा वाद अद्यापही धुमसत आहे. आमदार राजन साळवी हे समर्थनाच्या भूमिकेवर ठाम आहेत, तर खासदार विनायक राऊत यांचा विरोधाचा सूर कायम आहे.
या रिफायनरी प्रकल्पाबाबत बोलताना आमदार राजन साळवी म्हणाले, राजापूर तालुक्यामध्ये बारसू-सोलगाव येथे रिफायनरी प्रकल्प व्हावा अशी स्थानिक जनतेची मागणी आहे. काही जणांचा पाठिंबा, काही जणांचा विरोध असे वातावरण आहे. आम्ही सर्व शिवसेनेची मंडळी स्थानिक जनतेच्या पाठिशी उभे राहिलेलो आहोत. स्थानिक जनतेला प्रकल्प हवा असल्यामुळे स्थानिक आमदार म्हणून हा प्रकल्प व्हावा अशी माझी कालही भूमिका होती, आजही आहे आणि उद्याही राहणार आहे. कारण या प्रकल्पामुळे राजापूर तालुका आणि जिल्ह्यातील अनेक बेरोजगारांना रोजगार उपलब्ध होणार आहे, जिल्ह्याच्या कायापालट होणार आहे.
शिंदे गटाने शिवसेनेचं मध्यवर्ती कार्यालय नेलं टेंभी नाक्यावर; काय आहे प्रकरण?
तर विनायक राऊत म्हणाले, पक्षप्रमुख उद्धव ठाकरे यांच्याशी माझी चर्चा झालेली आहे. बारसू रिफायणरी बाबत आमची स्पष्ट भूमिका आहे. सरकारला एखादा प्रकल्प राबायचा असेल तर तुम्हाला पोलिसी बळावर किंवा दडपशाहीने तो राबवता येणार नाही. लोकांच्या घरादारावर नांगर फिरवून प्रकल्प राबवला जात असेल तर आम्ही निरपराध लोकांसोबत खंबीरपणे उभे आहोत. त्या लोकांचे म्हणणं ऐकून घ्या.
हे वाचलं का?
