प्रियकराच्या मदतीने पतीची हत्या, किचनमध्ये पुरला मृतदेह; मुलीच्या जबाबामुळे उघडकीस आला गुन्हा

उत्तर प्रदेशातील गोंडा भागात राहणाऱ्या रईस शेख याचं २०१२ साली शहीदासोबत लग्न झालं. लग्नानंतर दोघेही दहीसरमध्ये खान कंपाऊंड भागात भाड्याच्या घरात राहत होते. रईस दहीसर पूर्व भागात एका कपड्याच्या दुकानात नोकरी करायचा. रईस आणि शहीदाला ६ वर्षांची एक मुलगी आणि अडीच वर्षाचा एक मुलगा आहे. यादरम्यान शहीदाचे शेजारी राहणाऱ्या अनिकेत उर्फ अमित मिश्रासोबत अनैतिक संबंध जुळले. ही गोष्ट रईसच्या कानावर पडल्यानंतर त्याने याला विरोध करायला सुरुवात केली.

यानंतर शहीदाने अमितच्या सोबतीने रईसचा काटा काढण्याचा प्लान आखला. ११ दिवसांपूर्वी शहीदा आणि अमित यांना रईसने आपल्याच घरात शाररिक संबंध ठेवताना रंगेहाथ पकडलं. यावेळी दोघांनी मिळून घरातल्या चाकूने रईसची गळा कापून हत्या केली. याचवेळी शहीदाची ६ वर्षीय मुलगी घरात आली आणि तिने हा प्रकार पाहिला. यानंतर शहीदाने आपल्याच मुलीला बाहेर कुठेही हा प्रकार सांगितलास तर तुलाही असंच मारुन टाकेन असं धमकावलं. अमितच्या मदतीने शहीदाने रईसच्या मृतदेहाचे तुकडे करत मृतदेह आपल्याच घरातील किचनमध्ये पुरला.