रूपेरी पडद्यावर तीन डॉन साकारणारा कलाकार कोण आहे माहित आहे का?
मुंबई! मुंबई हे शहर म्हणजे मायानगरी. पण याच मायानगरीची ओळख आहे ती म्हणजे तिच्या रूपेरी आणि गडद अशा दोन्ही छटांमुळे. मुंबईत एकीकडे टोलेजंग इमारती, उंची कार, रेसकोर्स असं श्रीमंती दाखवते. दुसरीकडे झोपडपट्टी, गटारं, पावसाळ्यात तुंबणारं पाणी हेदेखील याच मुंबईचं एक रूप आहे. अंडरवर्ल्ड हा शब्दही मुंबईशीच जोडला गेला आहे. मुंबईत गुन्हेगारी आताही होते आहे, पूर्वीही […]
ADVERTISEMENT
मुंबई! मुंबई हे शहर म्हणजे मायानगरी. पण याच मायानगरीची ओळख आहे ती म्हणजे तिच्या रूपेरी आणि गडद अशा दोन्ही छटांमुळे. मुंबईत एकीकडे टोलेजंग इमारती, उंची कार, रेसकोर्स असं श्रीमंती दाखवते. दुसरीकडे झोपडपट्टी, गटारं, पावसाळ्यात तुंबणारं पाणी हेदेखील याच मुंबईचं एक रूप आहे.
अंडरवर्ल्ड हा शब्दही मुंबईशीच जोडला गेला आहे. मुंबईत गुन्हेगारी आताही होते आहे, पूर्वीही होत होती. तिचं स्वरूप फक्त बदलत गेलं. तीन डॉन होऊन गेले ज्यांच्या गुन्हेगारी आयुष्याची सुरूवात इथेच झाली. पहिला होता.. करीमलाला. दुसरा होता हाजी मस्तान आणि तिसरा आहे पण मुंबईत नाही कराचीत… त्याचं नाव दाऊद.
करीमलाला आणि हाजी मस्तान या दोघांचाही मृत्यू झाला आहे. दाऊद पाकिस्तानात जाऊन लपलाय. भारतातला नंबर एकचा मोस्ट वॉटेंड डॉन तो आहे. हे तिघे त्यांनी केलेल्या कारवाया आणि त्यांचं आयुष्य यावर सिनेमा निघाला नसता तरच नवल. संजय लीला भन्साळी गंगुबाई काठियावाडी हा सिनेमा घेऊन आला आहे. 25 फेब्रुवारीला रिलिज झालेल्या या सिनेमाला चांगला प्रतिसादही मिळतो आहे. यात उल्लेख आहे तो करीमलालाचा. या करीमलालानेच गंगुबाईला बहीण मानलं होतं. त्यामुळे गंगुबाई कामाठीपुरामधली लेडी डॉन झाली.
हे वाचलं का?
