डोंबिवली: पोलिसांच्या ताब्यात असलेल्या विनयभंगाच्या आरोपीचा फिट आल्याने मृत्यू

नेमकं प्रकरण काय?

दत्तात्रेय वारके या आरोपीविरोधात डोंबिवलीतील मानपाडा पोलीस ठाण्यात 5 फेब्रुवारी रोजी एका महिलेसोबत फोनवर अश्लील संभाषण केल्याप्रकरणी गुन्हा दाखल झाला होता. दत्तात्रेय हा एका बिल्डरकडे कामाला होता. 2013 साली त्याने घर विकण्याचं आश्वासन देत एका महिलेकडून पाच लाख रुपये घेतले होते. मात्र अद्याप त्याने महिलेला घर किंवा दिलेले पैसे यापैकी काहीही दिलं नव्हतं.

यासंदर्भात महिलेने वारंवार दत्तात्रयकडे तगादा लावला होता. मात्र दत्तात्रय काहीही ऐकण्याच्या मनस्थितीत नव्हता. याच दरम्यान, एके दिवशी फोनवर त्याने महिलेसोबत अश्लील संभाषण केलं. त्यानंतर सदर महिलेने याबाबत मानपाडा पोलीस ठाण्यात तक्रार दाखल केली. तसेचे महिलेने मानव अधिकारासह इतर ठिकाणी सुद्धा तक्रारी दिल्या होत्या.