माजी मुख्यमंत्री बुद्धदेव भट्टाचार्य, संध्या मुखर्जीं यांनी नाकारला ‘पद्म’ पुरस्कार

प्रजासत्ताक दिनाच्या पूर्वसंध्येला विविध पुरस्कारांबरोबरच देशातील अत्यंत प्रतिष्ठेच्या समजल्या पद्म पुरस्कारांची घोषणा करण्यात आली. कला, साहित्य, संशोधन, राजकारण, सामाजिक कार्य यासह विविध क्षेत्रात अमूल्य योगदान देणाऱ्या व्यक्तींना पद्म पुरस्कार जाहीर झाले. पश्चिम बंगालचे माजी मुख्यमंत्री तथा कम्यनिस्ट पक्षाचे ज्येष्ठ नेते बुद्धदेव भट्टाचार्य यांनाही पद्म भूषण पुरस्कार जाहीर झाला.

प्रजासत्ताकाच्या पूर्वसंध्येला पद्म पुरस्कारांची घोषणा, पाहा महाराष्ट्रातील पद्म पुरस्काराचे मानकरी कोण-कोण

पद्म पुरस्कारांची घोषणा करण्यात आल्यानंतर बुद्धदेव भट्टाचार्य यांनी हा नागरी पुरस्कार स्वीकारण्यास नकार दिला आहे. भट्टाचार्य यांनी एका निवेदनाद्वारे आपली भूमिका स्पष्ट करत पुरस्कार घेण्यास नकार दिला आहे.

बुद्धदेव भट्टाचार्य काय म्हणाले?

बुद्धदेव भट्टाचार्य यांनी म्हटलं आहे की, ‘पद्म भूषण पुरस्कार मिळाल्याबद्दल मला कोणतीही कल्पना नाही. मला याबद्दल कोणतीही माहिती देण्यात आलेली नाही. जर मला पुरस्कार देण्यात आला असेल, तर मी तो घेण्यास माझा नकार आहे’, असं त्यांनी म्हटलं आहे.

सरकार ने पद्म पुरस्कार 2022 की घोषणा की।

सीडीएस जनरल बिपिन रावत को पद्म विभूषण (मरणोपरांत), कांग्रेस नेता गुलाम नबी आजाद को पद्म भूषण से सम्मानित किया जाएगा। pic.twitter.com/5Z0q6RSuNI

— ANI_HindiNews (@AHindinews) January 25, 2022

बंगाली गायिका संध्या मुखर्जींचाही नकार

माजी मुख्यमंत्री बुद्धदेव भट्टाचार्य यांच्याबरोबर बंगालमधील प्रसिद्ध गायिका संध्या मुखर्जी यांनीही पद्म पुरस्कार स्वीकारण्यास नकार दिला आहे. मंगळवारी दुपारी केंद्राच्या अधिकाऱ्यांनी मुखर्जी यांना पुरस्काराबद्दलची माहिती दिली. त्यानंतर त्यांनी पुरस्कार घेण्यास नकार दिला.

संध्या मुखर्जी दक्षिण कोलकाता भागातील लेक गार्डन परिसरात राहतात. त्यांनी बंगाली चित्रपटांमध्ये हजारो गाणी गायली आहेत. पद्मश्री पुरस्कार हा माझ्यासारख्या ज्येष्ठ गायिकेला देण्यासारखा नाही. त्यामुळे हा पुरस्कार स्वीकारणं म्हणजे अपमानासमान आहे, असं गायिकेच्या निकटवर्तीयांनी माध्यमांशी बोलताना सांगितलं.

या महाराष्ट्रीय व्यक्तींना मिळाले पद्म पुरस्कार

यंदा महाराष्ट्रातील आठ दिग्गजांचा पद्म पुरस्कारांने सन्मान केला जाणार आहे. यामध्ये एक पद्म विभूषण दोन पद्म भूषण आणि पाच पद्मश्री पुरस्कार आहेत.

1. प्रभा अत्रे – पद्मविभूषण

2. नटराजन चंद्रशेखरन – पद्मभूषण

3. सायरस पूनावाला – पद्मभूषण

4. डॉ. हिंमतराव बावस्कर – पद्म

5. सुलोचना चव्हाण – पद्म

6. डॉ. विजयकुमार विनायक डोंगरे – पद्म

7. सोनू निगम – पद्म

8. अनिल कुमार राजवंशी – पद्म