Womens Day Special: महाराष्ट्रात आजवर किती महिला झाल्या आहेत मंत्री?

शिंदे-फडणवीस सरकारनं महिला आमदारांना विधानसभेत प्रश्न मांडण्याची संधी दिली. पण, मंत्रिमंडळात एकही मंत्री नाहीत यावरून त्यांच्यावर टीका झाली. पण, 1960 पासून महाराष्ट्राच्या कॅबिनेटची माहिती काढली. त्यानुसार महाराष्ट्राच्या मंत्रिमंडळात महिला नव्हत्या असं नाही. अगदी 1960 चं यशवंतराव चव्हाणांचं जे पहिलं मंत्रिमंडळ होतं, त्यात देखील महिला आमदाराला थेट कॅबिनेटमध्ये स्थान मिळालं होतं. पण, त्यांची संख्या किती? तर फक्त एक. निर्मला राजे भोसले या अशा एकमेव मंत्री होत्या ज्यांना कॅबिनेटमध्ये सोशल वेलफेअर, महिला-बालकल्याण खातं मिळालं होतं.

महाराष्ट्राला महिला मुख्यमंत्री मिळेल… महिला मुख्यमंत्री का मिळाल्या नाही? याची चर्चा नेहमीच रंगते. पण, आतापर्यंत कोणत्या मुख्यमंत्र्यांनी आपल्या मंत्रिमंडळात किती महिलांना स्थान दिलं? तर याचं उत्तर 3 असं आहे. होय आतापर्यंत महिलांना मंत्रिमंडळात स्थान दिल्याचा आकडा फक्त 3 आहे. यापेक्षा अधिक कुठल्याही महिला आमदाराला मंत्रिमंडळात स्थान मिळालं नाही. तर असे कोणते मुख्यमंत्री आहेत ज्यांनी 3 महिलांना आपल्या मंत्रिमंडळात स्थान दिलं, यात उद्धव ठाकरे, विलासराव देशमुख आणि बाबासाहेब भोसले, असे काही काही बोटावर मोजण्याइतक्या मुख्यमंत्र्यांची नावं सापडतात.

Women’s Day Special: भाजपच्या मंत्र्यांनी सांगितला पुरुषांना सुखी संसाराचा मंत्र, म्हणाले…

बाबासाहेब भोसलेंच्या सरकारमध्ये शरदचंद्रीका सुरेश पाटील, प्रतिभाताई पाटील, शालिनीताई पाटील या तिन्ही कॅबिनेट मंत्री होत्या, विलासराव देशमुखांच्या पहिल्या मंत्रिमंडळात विमल मुंदडा, मिनाक्षी पाटील, सुलेखा कुंभारे या तिन्ही राज्यमंत्री होत्या, तर उद्धव ठाकरेंच्या मंत्रिमंडळात यशोमती ठाकूर आणि वर्षा गायकवाड या कॅबिनेट, तर अदिती तटकरे या राज्यमंत्री होत्या.

आतापर्यंत जास्तीत जास्त 3 महिलांना मंत्रिमंडळात स्थान मिळालं असलं तरी यात काँग्रेस नेहमी आघाडीवर दिसते. अगदी यशवंतराव चव्हाणांपासून इकडे विलासराव देशमुख आणि महाविकास आघाडीच्या सरकारमध्ये काँग्रेसच्या महिला मंत्र्यांची संख्या जास्त आहे. त्यांच्या प्रत्येक मंत्रिमंडळात काँग्रेसच्या एक-दोन महिला दिसतात. महाविकास आघाडीचा विचार केला तर 3 महिला मंत्री होत्या. त्यातही यशोमती ठाकूर आणि वर्षा गायकवाड या दोन्ही कॅबिनेट मंत्री काँग्रेसच्या होत्या. तर भाजपनं सेना-भाजप युतीच्या सरकारमध्ये आतापर्यंत फक्त शोभाताई फडणवीस यांना दोनदा, विद्या ठाकूर आणि पंकजा मुंडे यांना एकदा संधी दिली. तर शिवसेनेनं मनिषा निमकर यांना राज्यमंत्रिपद दिलं होतं. मनिषा निमकर या शिवसेनेच्या आतापर्यंतच्या पहिल्या राज्यमंत्री आहेत.

Women’s Day Special: अमृता फडणवीस म्हणतात, ट्रोलर्सना मी का घाबरू?

राष्ट्रवादीचा विचार केला, तर फौजिया खान, अदिती तटकरे, विमल मुंदडा यांसारख्या महिलांना मंत्रिमंडळात संधी मिळाली.

आतापर्यंत 9 मुख्यमंत्र्यांनी फक्त एका महिलेला मंत्रिमंडळात स्थान दिलं. यात यशवंतराव चव्हाण, मारोतराव कन्नमवार, वसंतराव नाईक, शंकरराव चव्हाण, वसंतदादा पाटील, शरद पवार या मुख्यमंत्र्यांची नावं येतात. विशेष म्हणजे शरद पवार यांच्या काळात महाराष्ट्रात महिला धोरण राबवण्यात आलं. शरद पवार आतापर्यंत चारवेळा मुख्यमंत्रिपदी राहिले. पण, त्यांच्या १९८८ च्या मंत्रिमंडळात एकाही महिलेला स्थान नव्हतं.

आता एकनाथ शिंदे यांच्या मंत्रिमंडळात एकही महिला नाही. पण, एकनाथ शिंदेंचं असं एकच मंत्रिमंडळ आहे का? तर नाही…याआधी शरद पवार १९८८ ला मुख्यमंत्री झाले त्यावेळी त्यांच्या मंत्रिमंडळात एकाही महिलेला स्थान नव्हतं. वसंतदादा पाटील १९७८ ला काही दिवसांसाठी मुख्यमंत्री होते. त्यांचं १३ जणांचं मंत्रिमंडळ होतं. या मंत्रिमंडळात एकही महिला नव्हती. तसेच शिवाजीराव निलंगेकर मुख्यमंत्री होते त्यावेळी एकाही महिलेला मंत्रिमंडळात स्थान दिल्याचं दिसत नाही.

International Women’s Day: महिला दिनी जेष्ठ महिलांचं खास सेलिब्रेशन, पाहा फोटो