पुणे-पिंपरी चिंचवडमध्ये कोरोना रूग्णसंख्या वाढल्याने बेड मिळवण्यासाठी वणवण

पुण्यातील संजीवन हॉस्पिटलचे संचालक मुकुंद पेलुलकर यांनी काय म्हटलं आहे?

पुण्यात बेड्सची उपलब्धता खूप कमी आहे. खासकरून व्हेंटिलेटर बेड कमी पडत आहेत. त्यामुळे रूग्णांना पुण्याबाहेर जावं लागतं आहे अशी स्थिती आहे. लोकांना खूप अंतर कापून पिंपरी किंवा इतर भागांमध्ये जावं लागतं आहे. त्यामुळे मी सगळ्या पुणेकरांना आवाहन करतो आहे की मास्क वापरा, सोशल डिस्टन्सिंग पाळा, कोरोना प्रतिबंधाचे नियम पाळा. लोकांनी नियम पाळले नाहीत तर आरोग्यव्यवस्था आणखी अपुरी पडू शकते असंही डॉक्टरांनी म्हटलं आहे. बाहेर काम नसेल तर घरातून बाहेर पडू नका. पहिली लाट आली तेव्हा जशी काळजी घेतली होती तशीच काळजी आत्ताही घेणं गरजेचं आहे. अतिगंभीर रूग्णांसाठी जे व्हेंटिलेटर बेड लागतात ते पुरेसे नाहीत. काही प्रमाणात लोकांना यासाठी वणवण करावी लागते आहे.

Lockdown: पुण्यात दिवसा जमावबंदी आणि रात्री संचारबंदी, आणखी कठोर निर्बंधही लागू

पिंपरीत काय आहे परिस्थिती?

पिंपरीतही पुण्यापेक्षा वेगळी स्थिती नाही. पिंपरी चिंचवड शहरात कोरोना रूग्णांची संख्या गेल्या काही दिवसांपासून झपाट्याने वाढते आहे. मागील २४ तासांमध्ये २४०० पेक्षा जास्त रूग्ण पॉझिटिव्ह आढळले आहेत. तर १९ रूग्णांचा मृत्यू मागील चोवीस तासात झाला आहे. पिंपरी चिंचवड महापालिकेच्या वतीने रूग्णांवर उपचार करण्यासाठी सहा कोव्हिड सेंटर उभारण्यात आले आहेत. त्याजागी १६०० पेक्षा जास्त खाटांची सोय करण्यात आली आहे. पण सध्या तिथेही जागा शिल्लक नाहीत अशी स्थिती आहे. अनेक रूग्णांचे नातेवाईक हे सामाजिक कार्यकर्त्यांशी संपर्क साधून बेड मिळवण्याचा प्रयत्न करत आहेत. तर अनेक रूग्णांच्या नातेवाईकांना बेड मिळवण्यासाठी वणवण करावी लागते आहे.

‘या’ एका कारणामुळे पुण्यावर ओढावली ‘मिनी लॉकडाऊन’ची वेळ!

खासगी रुग्णालयात कोरोना बाधित रुग्ण मोठ्या संख्येने उपचारासाठी दाखल झाल्याने नव्या रुग्णांना या रुग्णालयात दाखल करून घेण्यासाठी जागा शिल्लक नाही असंही चित्र आहे. रुग्णांचा जीव वाचवण्यासाठी त्यांचे नातेवाईक ॲडव्हान्स मध्ये रुग्णालयातील बेडची बुकिंग करत आहेत एवढेच नाही तर रुग्णालयांच्या दरापेक्षा दुप्पट दर देण्याचीही त्यांची ही रूग्णांची नातेवाईकांची तयारी आहे.