Jahangirpuri Violence : बिकरूतून निघालेला जेसीबी कसा पोहोचला जहांगीरपुरीपर्यंत?
उत्तर प्रदेश विधानसभा निवडणुकीच्या प्रचारात गाजावाजा झालेला बुलडोजर आता दिल्लीपर्यंत पोहोचला आहे. दिल्लीतील जहांगीरपुरीत अतिक्रमणावर बुलडोजर चालवण्यात आला. अनेक घरं पाडण्यात आली. या कारवाईला सर्वोच्च न्यायालयाने स्थगिती दिली आहे. मात्र, उत्तर प्रदेशचे मुख्यमंत्री योगी आदित्यानाथ यांचं बुलडोजर मॉडेल इतर राज्यांतही चर्चेत आलं आहे. बुलडोजर कारवाईची चर्चा सुरू झाली ती २०२१ मध्ये. उत्तर प्रदेशचे मुख्यमंत्री योगी […]
ADVERTISEMENT
उत्तर प्रदेश विधानसभा निवडणुकीच्या प्रचारात गाजावाजा झालेला बुलडोजर आता दिल्लीपर्यंत पोहोचला आहे. दिल्लीतील जहांगीरपुरीत अतिक्रमणावर बुलडोजर चालवण्यात आला. अनेक घरं पाडण्यात आली. या कारवाईला सर्वोच्च न्यायालयाने स्थगिती दिली आहे. मात्र, उत्तर प्रदेशचे मुख्यमंत्री योगी आदित्यानाथ यांचं बुलडोजर मॉडेल इतर राज्यांतही चर्चेत आलं आहे.
बुलडोजर कारवाईची चर्चा सुरू झाली ती २०२१ मध्ये. उत्तर प्रदेशचे मुख्यमंत्री योगी आदित्यनाथ यांचं हे बुलडोजर मॉडेल आता दुसऱ्या राज्यांतही पोहोचलं आहे. विधानसभा निवडणुकीच्या प्रचारात तर योगी आदित्यनाथ यांनाच ‘बुलडोजर बाबा’ असं संबोधलं गेलं. हे नाव दिलं ते समाजवादी पार्टी नेते अखिलेश यादव यांनी. आता योगींचं हे मॉडेल मध्य प्रदेश मार्गे दिल्लीपर्यंत पोहोचलं आहे.
योगी सरकारच्या काळात जेसीबीला प्रचंड प्रसिद्धी मिळाली. उत्तर प्रदेश विधानसभा निवडणुकीत भाजपचा विजय झाल्यानंतर भाजपच्या कार्यकर्त्यांनी तर जेसीबीखाली सायकली चिरडल्याचे प्रकारही घडले. आता हेच बुलडोजर मॉडेल इतर राज्यांमध्येही पसरताना दिसत आहे.
