नदीत आढळला मृतदेह

मिळालेल्या माहितीनुसार, 19 वर्षीय ज्योती 6 जूनच्या सकाळपासून अचानक बेपत्ता झाली होती. मात्र, तिच्या कुटुंबीयांनी पोलिसांत कोणतीही तक्रार नोंदवली नव्हती. दरम्यान, 8 जून रोजी एका नदीत अनोळखी मृतदेह आढळून आला. दोन दिवसांनंतर सोशल मीडियावर तिचे फोटो व्हायरल झाल्यानंतर ग्रामस्थांनी या मृतदेहाची ओळख ज्योती म्हणून पटवली. ज्योती बेपत्ता असतानाही कुटुंबीयांनी ती आजारी होती आणि तिच्यावर घाईघाईत अंत्यसंस्कार केल्याची खोटी माहिती गावात पसरवली होती. परंतु, शवविच्छेदन अहवालात ज्योतीचा गळा आणि श्वास नलिकेवर धारदार शस्त्राने वार केल्याचे समोर आल्यानंतर हत्येचा हा थरार उघडकीस आला.

हे ही वाचा : ‘चड्डी बनणार नाही..’, असं का म्हणत होतात? पत्रकारांच्या प्रश्नावर सायोनी घोष काय म्हणाल्या? VIDEO

दीर आणि वहिनी आक्षेपार्ह अवस्थेत

ज्योतीचे मामा राजेंद्र यांनी याप्रकरणी पोलिसांत अधिकृत तक्रार दाखल केली. ज्योती नेहमी मामाजवळ भाऊ आणि वहिनीच्या संशयास्पद वागणुकीबद्दल बोलायची. पोलिसांच्या चौकशीत अटक करण्यात आलेली वहिनी रेखा हिने आपला गुन्हा कबूल केला आहे. रेखाचा पती वीरू हा मजुरीसाठी बाहेरगावी राहत असल्याने तिचे तिचा दीर मिलन याच्याशी अनैतिक संबंध निर्माण झाले होते. 5 जूनच्या रात्री घरात कोणी नसताना रेखा आणि मिलन आक्षेपार्ह स्थितीत होते. याच वेळी नणंद ज्योतीने त्यांना रंगेहात पकडले आणि या कृत्याला तीव्र विरोध केला. आपले हे कृत्य उघड होऊन समाजात बदनामी होईल, या भीतीने रेखा आणि मिलन यांनी मिळून ज्योतीचा गळा चिरून तिचा गेम केला.

हे ही वाचा : प्रणित मोरेच्या शोमध्ये मृतदेहाच्या प्रायव्हेट पार्टबाबत भलतंच बोलणारी डॉ. सेजल पवार आहे तरी कोण?

वडिलांचाही सहभाग

हत्या केल्यानंतर घाबरलेल्या दोन्ही आरोपींनी ज्योतीचे वडील मान सिंग यांना या घटनेची माहिती दिली. यानंतर वडील मान सिंग, भाऊ मिलन, नातेवाईक सुनील आणि एका अज्ञात कार चालकाच्या मदतीने ज्योतीचा मृतदेह चादरीत गुंडाळला आणि हत्येसाठी वापरलेला चाकूही त्यात ठेवून कारमधून नेऊन नदीत फेकून दिला. 8 जून रोजी मृतदेह सापडल्याची बातमी समजताच सर्व आरोपी घरातून पसार झाले होते. आरोपी वहिनी रेखा आणि तिचा प्रियकर म्हणजेच ज्योतीचा भाऊ मिलन हे दोघे मुंबईला पळून जाण्याच्या तयारीत असतानाच पोलिसांनी सापळा रचून रेखाला अटक केली. पोलिसांनी सांगितले की, उर्वरित फरार आरोपींचा शोध घेण्यासाठी पथके रवाना करण्यात आली असून लवकरच त्यांनाही अटक केली जाईल.