अल्पवयीन मुलीची ६ जणांना विक्री, साताऱ्याच्या पाटण येथील धक्कादायक प्रकार उघडकीस

पोलिसांनी दिलेल्या माहितीनुसार, पीडित अल्पवयीन मुलगी ही गरीब कुटुंबातली आहे. या मुलीच्या गरीबीचा फायदा घेत आरोपी महिलेने तिला बाहेर फिरायला घेऊन जाते, खाऊ देते असं आमिष दाखवून हे कृत्य केल्याचं कळतंय. आरोपी महिला या मुलीला बाहेर घेऊन गेल्यानंतर पाटण परिसरात विविध लोकांशी ओळख करुन देऊन त्यांच्याशी शारिरिक संबंध ठेवायला भाग पाडत असल्याची धक्कादायक बाब समोर आली आहे.

महाराष्ट्र हादरला ! ५५ वर्षीय नराधमाचा तीन अल्पवयीन मुलींवर शारिरिक अत्याचार

पाटण शहरात सहा गिऱ्हाईकांनी विविध ठिकाणी या मुलीवर अत्याचार केल्याचं कळतंय. पीडित मुलीच्या आईला याबद्दल माहिती कळताच तिने पोलिसांत जाऊन घडलेल्या प्रकाराची माहिती दिली. घटनेचं गांभीर्य लक्षात घेऊन पोलिसांनी आरोपी महिलेसह सहा गिऱ्हाईकांची ओळख पटवून त्यांना अटक केली आहे. आरोपी महिलेने पीडित मुलीला आणखी कोणत्या गिऱ्हाईकांकडे विकलं होतं का याचा तपासही पोलीस अधिकारी करत आहेत. विशेष बाब म्हणजे गृहराज्यमंत्री शंभुराज देसाई यांच्या मतदारसंघात हा प्रकार घडल्यामुळे साताऱ्यात खळबळ उडाली आहे.