Maharashtra Corona : राज्यात शुक्रवारी २२८५ पॉझिटव्ह रूग्णांची नोंद, पाच मृत्यूंची नोंद

राज्यात बीए 4 आणि 5 चे ७३ तर बीए 2.75 चे २०९ रूग्ण

राज्यात बीए 4 आणि 5 चे ७३ रूग्ण आहेत. तर बीए 2.75 या व्हेरिएंटचे २०९ रूग्ण आहेत. बीए 2.38 या प्रकारचे रूग्ण आधी वाढत होते मात्र ते कमी होत आहेत. या सर्व रूग्णांचा सखोल साथरोग शास्त्रीय पद्धतीने आढावा घेण्यात येतो आहे. राज्यात सध्याच्या घडीला ११ हजार ६९० सक्रिय रूग्ण आहेत. मुंबईत सर्वाधिक म्हणजेच ५ हजार ७१२ इतके रूग्ण आहेत. त्याखालोखाल ठाण्यात १६५९ सक्रिय रूग्ण आहेत.

Maharashtra reports 2285 new Covid-19 cases with 5 deaths in the last 24 hrs. Active patients grow to 11,733 pic.twitter.com/KN0ZmstzL1

— ANI (@ANI) August 19, 2022

गेल्या आठवड्यात कोरोनाबाधितांची संख्या आठ हजारांपर्यंत पोहोचली होती. मात्र, या आठवड्यात पुन्हा कोरोना रुग्णांची संख्या दिवसागणिक वाढताना दिसत आहे. केंद्रीय आरोग्य मंत्रालयाच्या नव्या आकडेवारीनुसार, देशात गुरुवारी १५ हजार ७५४ नवीन कोरोनाबाधितांची नोंद झाली आहे.

बुधवारी देशात १२ हजारांहून जास्त रूग्णांची नोंद

बुधवारी १२ हजार ६०८ नव्या रुग्णांची नोंद झाली होती. एका दिवसात कोरोनाबाधितांच्या आकड्यामध्ये तब्बल ३१४६ रुग्णांची वाढ झाली आहे. यासोबतच देशातील सक्रिय कोरोना रुग्णांची संख्याही वाढली आहे. सध्या देशभरात एक लाखांहून जास्त कोरोना रूग्ण आहेत. देशातील सक्रिय रुग्णांची संख्येत वाढ झाली आहे. आता देशात एकूण १ लाख १ हजार ८३० कोरोना रुग्ण आहेत. तर गुरुवारी दिवसभरात कोरोना प्रतिबंधात्मक लसीचे ३१ लाख ५२ हजार ८८२ डोस देण्यात आले आहेत. देशातील कोरोना रुग्णांचा दैनंदिन सकारात्मता दर ३.४७ टक्के, तर आठवड्याचा सकारात्मता दर ३.९० टक्के आहे. तसेच देशात कोरोना रुग्ण बरे होण्याचे प्रमाण ९८.५८ टक्के आहे