अंबाजोगाई बलात्कार प्रकरण : एक पोलीस, नायब तहसीलदारासह आठ आरोपी अटकेत

बीड जिल्ह्यातील अंबाजोगाईतील 400 जणांनी बलात्कार केल्याचा आरोप असलेल्या प्रकरणात पोलिसांनी आता एका पोलीस कर्मचाऱ्यासह सेवानिवृत्त नायब तहसीलदार आणि एका होमगार्डला अटक केली आहे. प्रकरण उघडकीस आल्यापासून पोलीस या प्रकरणातील आरोपींविरुद्ध कारवाई करताना दिसत आहेत. पोलिसांनी तीन व्यक्तींना अटक केल्यानंतर तालुक्यात हे प्रकरण पुन्हा एकदा चर्चेत आलं आहे.

बीड जिल्ह्यातील अंबाजोगाई येथे सहा महिन्यांपासून घराबाहेर राहत असलेल्या एका १७ वर्षीय मुलीवर ४०० पेक्षा अधिक जणांनी बलात्कार केल्याच्या घटनेनं खळबळ उडाली होती. ही घटना समोर आल्यानंतर पोलीसही खडबडून जागे झाले. या प्रकरणात 8 नोव्हेंबर रोजी अंबाजोगाईच्या ग्रामीण ठाण्यात गुन्हा दाखल झाल्यानंतर एक एक धक्कादायक बाबी पुढे येवू लागल्या आहेत.

बीड : अल्पवयीन मुलीवर बलात्काराचे प्रकरण, सहा महिन्यांत ४०० हून अधिकांनी केले अत्याचार