राज ठाकरेंचा लाडका श्वान ‘जेम्स’चं निधन

राज ठाकरेंचे आपल्या लाडक्या जेम्स सोबतचे अनेक फोटो बऱ्याचदा सोशल मीडियावर व्हायरल झाले होते. अशा लाडक्या जेम्सच्या जाण्यामुळे ठाकरे कुटुंबाला धक्का बसल्याचं बोललं जातंय. अनेकदा राज ठाकरे आपल्यासोबत जेम्सला घेऊन जायचे. राज ठाकरेंच्या घरात एकूण तीन ग्रेट डेन प्रजातीचे कुत्रे होते. यापैकी शॉन आणि बाँड यांचं आधीच निधन झालं होतं.

यानंतर जेम्सचंही निधन झाल्यामुळे ठाकरे कुटुंबाला धक्का बसला आहे. वयोमानापरत्वे जेम्सने सोमवारी मध्यरात्री आपले प्राण सोडले. राज ठाकरेंच्या कुटुंबात अन्य सदस्यांनाही कुत्र्यांचा तेवढाच लळा आहे. राज ठाकरे यांचा मुलगा अमित ठाकरे यांच्याकडे मुफासा (गोल्डन रिट्रीव्हर) आणि ब्ल्यू (हस्की) असे कुत्रे आहेत.