नागपूरात ओमिक्रॉनचा शिरकाव! दक्षिण आफ्रिकेतून परतलेल्या नागरिकाचा रिपोर्ट आला ‘पॉझिटिव्ह’

राज्यातील वेगवेगळ्या शहरात ओमिक्रॉनचे रुग्ण आढळून येताना दिसत आहे. मुंबई, पुणे, डोंबिवली, पिंपरी चिंचवडनंतर आता ओमिक्रॉनने राज्याची उपराजधानी असलेल्या नागपुरातही चंचुप्रवेश केला आहे. काही दिवसांपूर्वी दक्षिण आफ्रिकेतून परतलेल्या नागरिकाला कोरोनाच्या ओमिक्रॉन व्हेरिएंटचा संसर्ग झाला असल्याचं रविवारी निष्पन्न झालं. नागपूर महापालिकेच्या आयुक्तांनी याबद्दलची माहिती दिली.

दक्षिण आफ्रिकेत आढळून आलेला कोरोनाचा नवा व्हेरिएंट ओमिक्रॉन आता महाराष्ट्रातही हळूहळू हातपाय पसरताना दिसत आहे. मुंबई, पुणे आणि डोंबिवली आढळून आलेले ओमिक्रॉन पॉझिटिव्ह रुग्ण बरे झाले असले, तरी दिवसेंदिवस एकूण रुग्णसंख्या वाढताना दिसत आहे. आता नागपूरमध्ये ओमिक्रॉन व्हेरिएंटचा रुग्ण आढळून आला आहे. नागपूरमधील ओमिक्रॉन व्हेरिएंटचा संसर्ग झालेल्या पहिलाच रुग्ण आहे.

Omicron : हाच ट्रेंड दुसरी लाट येण्यापूर्वी दिसला; ‘ओमिक्रॉन’च्या पार्श्वभूमीवर केंद्राचा इशारा