Narayan Rane Exclusive: ‘उद्धव ठाकरे, शिवसेना माझ्याशी काय टक्कर घेणार?’, मंत्रिपद स्वीकारताच राणेंचा घणाघात
नवी दिल्ली: केंद्रीय मंत्रिपदाची शपथ घेतल्यानंतर नारायण राणे (Narayan Rane) यांनी आपल्या खात्याचा कार्यभार देखील स्वीकारला. यानंतर त्यांनी ‘मुंबई तक’ला पहिलीच Exclusive मुलाखत देखील दिली. आपल्या या मुलाखतीत त्यांनी पुन्हा एकदा शिवसेनेवर (Shiv Sena) निशाणा साधला. ‘शिवसेनेला काय टक्कर द्यायची.. भाजपसमोर शिवसेना काय आहे? 54 आमदारांवर मुख्यमंत्री म्हणजे राज्य काही त्यांच्या हातात नाही. ते आमच्याशी […]
ADVERTISEMENT
नवी दिल्ली: केंद्रीय मंत्रिपदाची शपथ घेतल्यानंतर नारायण राणे (Narayan Rane) यांनी आपल्या खात्याचा कार्यभार देखील स्वीकारला. यानंतर त्यांनी ‘मुंबई तक’ला पहिलीच Exclusive मुलाखत देखील दिली. आपल्या या मुलाखतीत त्यांनी पुन्हा एकदा शिवसेनेवर (Shiv Sena) निशाणा साधला.
‘शिवसेनेला काय टक्कर द्यायची.. भाजपसमोर शिवसेना काय आहे? 54 आमदारांवर मुख्यमंत्री म्हणजे राज्य काही त्यांच्या हातात नाही. ते आमच्याशी स्पर्धा करु शकत नाही. टक्कर कुठल्याही स्वरुपाची ते देऊ शकत नाही माझ्याशी, भाजपशी. (BJP)’ असं म्हणत राणेंनी शिवसेनेला डिवचलं आहे.
पाहा नारायण राणे यांनी दिलेल्या मुलाखतीत नेमकं काय-काय म्हटलं आहे:
प्रश्न: आपण आतापर्यंत कायम मुंबई किंवा कोकणात कायम राजकारण केलं. पण आता थेट दिल्लीत आल्यानंतर आपल्याला कसं वाटतंय?
