National Cooperative Conference: महाराष्ट्रातील ‘या’ 5 लोकांना अमित शाहांनी केलं नमन!

या संमेलनासाठी विविध राज्यातील सहकार क्षेत्राशी संबंधित अनेक दिग्गज नेते सहभागी झाले होते. यावेळी देशाचे सहकार मंत्री अमित शाह यांनी केलेल्या भाषणात महाराष्ट्रातील पाच नेत्यांचा आवर्जून उल्लेख केला ज्यांनी सहकार क्षेत्रासाठी मोलाचं योगदान दिलं.

यावेळी अमित शाह यांनी सहकार क्षेत्रात मोलाची कामगिरी करणाऱ्या यशवंतराव चव्हाण, धनंजय गाडगीळ, लक्ष्मणराव इनामदार, विठ्ठलराव विखे-पाटील यांच्यासह सहकार क्षेत्रासाठी भरीव कामगिरी करणाऱ्या माधवराव गोडबोले यांचा उल्लेख करत त्यांना अभिवादनही केलं.

अमूल आणि लिज्जत पापड कंपन्यांचंही केलं कौतुक

दरम्यान, यावेळी अमित शाह यांनी अमूल आणि लिज्जत पापड या कंपन्यांचं विशेष कौतुक केलं. या दोन्ही कंपन्या सहकार क्षेत्रातील मोठं उदाहरण असल्याचं त्यांनी यावेळी म्हटलं आहे. सरदार पटेल यांच्या दूरदृष्टीतून अमूलसारख्या उद्योगाची निर्मिती झाली. आज अमूल कंपनीचा टर्नओव्हर तब्बल 53 हजार कोटीचा असल्याचं अमित शाह यांनी आवर्जून सांगितलं.

दरम्यान, यावेळी अमित शाह यांनी अमूल आणि लिज्जत पापड या कंपन्यांचं विशेष कौतुक केलं. या दोन्ही कंपन्या सहकार क्षेत्रातील मोठं उदाहरण असल्याचं त्यांनी यावेळी म्हटलं आहे. सरदार पटेल यांच्या दूरदृष्टीतून अमूलसारख्या उद्योगाची निर्मिती झाली. आज अमूल कंपनीचा टर्नओव्हर तब्बल 53 हजार कोटीचा असल्याचं अमित शाह यांनी आवर्जून सांगितलं.

महाराष्ट्राचं सहकार क्षेत्र लेचंपेचं नाही, कुणीही आलं
अन् मोडून काढलं; उद्धव ठाकरेंचा अमित शाह यांना टोला?

याशिवाय काही महिलांनी एकत्र येऊन उभारलेला लिज्जत पापड उद्योग देखील आज कोट्यवधी रुपयांची कमाई करत आहे. असंही अमित शाह यांनी म्हटलं आहे.

सहकार क्षेत्र आणि अमित शाह

7 जुलैला केंद्रीय मंत्रिमंडळाचा विस्तार झाला. या विस्ताराच्या आधी सहकार मंत्रालय स्थापन करण्यात आलं आहे. 7 जुलैच्या मंत्रिमंडळात विस्तारात या मंत्रालयाची जबाबदारी अमित शाह यांना सोपवण्यात आली आहे. अमित शाह हे दीर्घकाळ अहमदाबाद जिल्हा केंद्रीय सहकारी बँकेचे प्रमुख होते. सहकार विभागाचं स्वतंत्र मंत्रालय तयार करण्यात आलं आहे.

अमित शाह हे दीर्घकाळ अहमदाबाद जिल्हा केंद्रीय सहकारी बँकेचे प्रमुख राहिले आहेत. अमित शाह हे या बँकेचे सहकारी बँकेचे प्रमुख असताना नोटबंदीदरम्यान या ठिकाणी सर्वाधिक जुन्या नोटा करण्यात आल्याचं समोर आलं होतं. माहितीच्या अधिकारात ही माहिती समोर आली होती. मोदी सरकारने याआधी काही मंत्रालयाची निर्मिती केली आहे. जलशक्ती, गंगा स्वच्छता, कौशल्य विकास आणि आयुष मंत्रालय यांचा त्यात समावेश आहे. तर काही मंत्रालयांची नावंही बदलण्यात आली आहे.