Malik Vs Fadnavis: फडणवीसांच्या डुकराबाबतच्या ट्विटला नवाब मलिकांचं उत्तर, काढली भाजपची संस्कृती

‘माणूस हा माणूस असतो… त्याला जनावरांची उपमा देण्याची संस्कृती भाजपची आहे आणि तेच देवेंद्र फडणवीस यांनी दाखवून दिलं आहे.’ अशा शब्दात मलिकांना फडणवीसांवर पलटवार केला आहे.

सर्वात आधी जाणून घेऊयात नवाब मलिकांना फडणवीसांच्या ‘त्या’ ट्विटबाबत काय म्हटलंय

‘देवेंद्र फडणवीस यांनी बर्नार्ड शॉच्या एका म्हणीचा उल्लेख करुन माझ्या बाबतीत एका जनावराची उपमा देण्याचा प्रयत्न केला आहे. मी बोलू इच्छितो की, भाजपचे नेते सगळ्यांना कुत्रा, मांजर, साप, विंचू, डुक्कर हे बोलत राहतात. याच्यातून यांची काय संस्कृती आहे हे दिसून येते.’