साताऱ्यात नवा विश्वविक्रम… एका दिवसात बनवला तब्बल 39.67 किलोमीटरचा रस्ता
सातारा: सार्वजनिक बांधकाम विभागाच्या माध्यमातून राजपथ इन्फ्राकॉनने सातारा जिल्ह्यातील पुसेगाव ते म्हासुर्णे हा तब्बल 39.671 किलोमीटरचा रस्ता एका दिवसात तयार केला. यामध्ये 25.54 किमी रस्ता हा अवघ्या 14 तासात पूर्ण करुन विजापूर-सोलापूर 25.54 किमी रस्त्याचा विक्रमही मोडला असून नवा विक्रम स्थापित केला आहे. दरम्यान या विक्रमाची लिम्का बुक ऑफ रेकॉर्डमध्ये देखील नोंद झाली असल्याचं समजतं […]
ADVERTISEMENT
सातारा: सार्वजनिक बांधकाम विभागाच्या माध्यमातून राजपथ इन्फ्राकॉनने सातारा जिल्ह्यातील पुसेगाव ते म्हासुर्णे हा तब्बल 39.671 किलोमीटरचा रस्ता एका दिवसात तयार केला. यामध्ये 25.54 किमी रस्ता हा अवघ्या 14 तासात पूर्ण करुन विजापूर-सोलापूर 25.54 किमी रस्त्याचा विक्रमही मोडला असून नवा विक्रम स्थापित केला आहे. दरम्यान या विक्रमाची लिम्का बुक ऑफ रेकॉर्डमध्ये देखील नोंद झाली असल्याचं समजतं आहे.
हे काम 3 शिफ्टमध्ये एकाच वेळी 6 ठिकाणी करण्यात आले. यासाठी सार्वजनिक बांधकाम विभागाचे 15 अभियंत्यांनी काम पाहिले. उद्योजकामार्फत 60 अभियंते, 47 पर्यवेक्षक, 23 गुणवत्ता नियंत्रक अभियंते, 150 वाहन चालक, 110 मजूर असे एकूण 390 कर्मचाऱ्यांद्वारे काम करण्यात आले. अधीक्षक अभियंता संजय मुनगीलवार, कार्यकारी अभियंता शंकर दराडे यांनी स्वत: सूक्ष्म नियोजन करुन ते तडीस नेण्यासाठी मागील दोन महिन्यांपासून सतत कार्यरत होते.
गुणनियंत्रक पथकामार्फत कामाच्या गुणनियंत्रणासाठी बिटुमिन एक्सट्रॅक्टर, बिटुमिन पेनीट्रोमीटर, केंबरप्लेंट, सिव्हस यासारखे साहित्य वापरण्यात आले. तसेच या कामासाठी 8 मॉडर्न बॅचमिक्स प्रकारे हॉटमिक्सर प्लॅन्ट, 7 मॉर्डन सेन्सर पेव्हर, 12 व्हायब्रेटरी रोल, 6 न्यूमॅटीक रोलर 180 डंपर (हायवा) व अन्य यंत्रसामुग्रींचा वापर करण्यात आला. 1100 मे. टन डांबर व 6000 घनमीटर खडीचा वापर करण्यात आला.
पोरासाठी कायपण ! ५ एकरावरची द्राक्षबाग काढून बापाने तयार केलं क्रिकेट ग्राऊंड
हे वाचलं का?
