Pooja Chavan : “ऑडिओ क्लिप्स खऱ्या की खोट्या? सरकारने सांगावं”

पूजा चव्हाण प्रकरणातली सरकारची नैतिकता काय? असाही प्रश्न देवेंद्र फडणवीस यांनी विचारला आहे. इंधन दरवाढीवरूनही त्यांनी ठाकरे सरकारला टोला लगावला. राज्य सरकारने इंधनावर लावलेला २७ रुपयांचा टॅक्स आधी कमी करावा आणि नंतर केंद्राच्या कराबद्दल भाष्य करावं असंही फडणवीस यांनी म्हटलं आहे. तसंच आज काँग्रेसने केलेलं सायकल आंदोलन म्हणजे फक्त दिखावा आहे अशीही टीका देवेंद्र फडणवीस यांनी केली.

राज्य विधिमंडळाचे अर्थसंकल्पिय अधिवेशन आजपासून मुंबईत सुरू होत आहे. तत्पूर्वी विधान भवन, मुंबई येथे आमचे आराध्य छत्रपती शिवाजी महाराज यांना अभिवादन केले. माझे सहकारी यावेळी उपस्थित होते. #BudgetSession #Maharashtra pic.twitter.com/xY4mtmAGcM

— Devendra Fadnavis (@Dev_Fadnavis) March 1, 2021

पूजा चव्हाण या टिकटॉक स्टारचा मृत्यू झाला. ७ फेब्रुवारीला तिने पुण्यातल्या इमारतीवरून उडी मारली. तिला रूग्णालयात दाखल करण्यात आलं मात्र तिथे तिचा मृत्यू झाला. या सगळ्या प्रकरणावरून संजय राठोड यांच्यावर आरोप झाले. संजय राठोड हे या प्रकरणानंतर नॉट रिचेबलही होते. त्यानंतर संजय राठोड हे समोर आले ते थेट २३ फेब्रुवारीला. २३ फेब्रुवारीला ते पोहरादेवी या ठिकाणी गेले होते. तिथे त्यांनी शक्ती प्रदर्शन केलं. या शक्तीप्रदर्शनात सोशल डिस्टन्सिंगचा फज्जा उडाला होता. अखेर या सगळ्या घडामोडींनंतर २८ तारखेला संजय राठोड यांनी राजीनामा दिला. राजीनामा दिल्यानंतर त्यांनी या सगळ्या प्रकरणाचं राजकारण होत असल्याचा आरोप केला.