कॅनडा: कोरोना लसीकरणामुळे गोंधळ, पंतप्रधान जस्टिन कुटुंबासह गुप्त ठिकाणी, हाय अलर्ट जारी

निदर्शनांनंतर जस्टिन ट्रुडो हे आपल्या कुटुंबीयांसह गुप्त ठिकाणी गेल्याचे वृत्त समोर आलं आहे. वास्तविक, ट्रुडो सरकारने ट्रक चालकांना अमेरिकेची सीमा ओलांडण्यासाठी लसीकरण करणे आवश्यक केले आहे. याबाबत वाहनचालकांनी विरोध सुरू केला आहे.

आंदोलकांनी कोविड निर्बंधांची तुलना फॅसिझमशी केली आहे. शनिवारी राजधानीत निदर्शने करत लोकांनी पीएम ट्रुडो यांच्यावर जोरदार टीका केली. आंदोलकांपैकी एकाने सांगितले की, त्यांना असे वाटते की लसीकरण अनिवार्य करणे हे आरोग्याशी संबंधित नाही, परंतु गोष्टींवर नियंत्रण ठेवण्यासाठी ही सरकारची चाल आहे.

कॅनडात निदर्शने किती उग्र आहेत, याचा अंदाज यावरून येईल की, 50 हजार ट्रकचालकांनी शनिवारी राजधानी ओटावा येथील पंतप्रधानांच्या निवासस्थानाला घेराव घातला होता.

पोलीस प्रशासन हाय अलर्टवर

वाढत्या निदर्शनांदरम्यान देशात हिंसाचाराची शक्यता लक्षात घेऊन पोलीस हाय अलर्टवर आहेत. पोलिसांनी जारी केलेल्या अधिकृत निवेदनात असे म्हटले आहे की, शनिवारी सुमारे 10,000 लोक संसदेजवळ पोहोचले होते. संसदेच्या परिसरात नेमके किती आंदोलक उपस्थित आहेत याचा आकडा अद्यापही पोलिसांकडे नाही.

वादग्रस्त वक्तव्यामुळे ट्रकचालकही संतापले

यापूर्वी, एक वादग्रस्त विधान करताना, कॅनडाच्या पंतप्रधानांनी ट्रकचालकांना ‘कोणतेही महत्त्व नसलेले अल्पसंख्याक’ म्हटले होते. यामुळे ट्रकचालक प्रचंड संतापले आहेत.

पीएम ट्रूडो म्हणाले होते की, ‘ट्रकचालक हे विज्ञानविरोधी आहेत आणि ते केवळ स्वतःसाठीच नाही तर इतर कॅनेडियन लोकांसाठीही धोका निर्माण करत आहेत.’

Covid-19: राज्यात दिवसभरात आढळले 27 हजारांहून अधिक रुग्ण, 61 जणांचा मृत्यू

रिपोर्ट्सनुसार, सध्या कॅनडातील 82 टक्के लोकांनी कोरोना प्रतिबंधक लस घेतली आहे.