Russia – Ukraine Conflict : युद्धाला सुरुवात, जाणून घ्या आतापर्यंत काय-काय घडलं?
रशिया आणि युक्रेनमध्ये गेल्या काही दिवसांपासून सुरु असलेल्या संघर्षात अखेरीस ठिणगी पडलीच आहे. युक्रेनमधील पुर्वेकडच्या दोन भागांना रशियाने स्वतंत्र राष्ट्राची मान्यता दिल्यानंतर युक्रेनच्या काही भागांमध्ये रशियाने सैन्य उतरवलं आहे. युक्रेनच्या डोन्बास प्रांतात रशियाने लष्करी कारवाईला सुरुवात केली आहे. अमेरिका आणि अन्य युरोपियन देशांनी रशियाच्या या भूमिकेचा निषेध नोंदवला आहे. त्यामुळे पुढचे काही दिवस अनेक देश […]
ADVERTISEMENT
रशिया आणि युक्रेनमध्ये गेल्या काही दिवसांपासून सुरु असलेल्या संघर्षात अखेरीस ठिणगी पडलीच आहे. युक्रेनमधील पुर्वेकडच्या दोन भागांना रशियाने स्वतंत्र राष्ट्राची मान्यता दिल्यानंतर युक्रेनच्या काही भागांमध्ये रशियाने सैन्य उतरवलं आहे. युक्रेनच्या डोन्बास प्रांतात रशियाने लष्करी कारवाईला सुरुवात केली आहे. अमेरिका आणि अन्य युरोपियन देशांनी रशियाच्या या भूमिकेचा निषेध नोंदवला आहे. त्यामुळे पुढचे काही दिवस अनेक देश या युद्धात उतरण्याची शक्यता वर्तवली जात आहे. जाणून घेऊयात आतापर्यंत या दोन देशांमधील संघर्षाचे पडसाद आंतरराष्ट्रीय राजकारणावर कसे-कसे उमटत गेले.
युक्रेनमधील लष्करी कारवाईचं पुतीन यांच्याकडून समर्थन –
युक्रेनमधील पुर्व भागातल्या लोकांच्या सुरक्षिततेसाठी लष्करी कारवाई योग्यच असल्याचं रशियाचे अध्यक्ष व्लादिमीर पुतीन यांनी सांगितलं. परंतू आपल्या लष्करी कारवाईचं समर्थन करण्यासाठी रशिया हे खोटं कारण देत असल्याचं अमेरिकेचं म्हणणं आहे. रशियातील राष्ट्रीय वाहिनीवरुन जनतेशी संवाद साधत असताना पुतीन यांनी अमेरिका आणि अन्य सहयोगी देशांवर टीका करताना, युक्रेनला NATO देशांच्या समुहात प्रवेश देण्याबद्दल रशियाच्या मागण्यांकडे दुर्लक्ष करण्यात आल्याचं म्हटलं आहे. युक्रेनवर ताबा मिळवणं हे आमचं कधीच लक्ष्य नसल्याचं पुतीन यावेळी म्हणाले. यावेळी बोलत असताना पुतीन यांनी युक्रेनच्या सैनिकांना तात्काळ शस्त्र खाली टाका आणि घरी जा असा सूचक इशारा दिला आहे.
India Ukraine Business: युक्रेन भारताकडून ‘या’ वस्तू करतो खरेदी, युद्ध झालं तर..?
हे वाचलं का?
