माझ्यामुळे सत्ता गेल्याचं फडणवीसांना दुःख – संजय राऊतांचा निशाणा

“फडणवीसांना माझ्यावर टीका करु द्या, पुढची तीन-साडे तीन वर्ष त्यांना हेच करायचं आहे. ते काय बोलले हे मला माहिती नाही, पण सध्या राज्यात कोरोना, महागाई आणि इतर संकट असताना विरोधी पक्षाने सरकारच्या सोबत काम करणं गरजेचं आहे. राजकारण नंतर करता येतं. सध्या असे वाद उकरुन का काढले जातायत? माझ्यामुळे सत्ता गेली याचं फडणवीसांना दुःख आहे, त्यामुळे आपण त्यांना समजून घेतलं पाहिजे”, असं म्हणत राऊतांनी फडणवीसांवर पलटवार केला आहे.

टीका करणं हे विरोधकांचं काम आहे, त्यामुळे फडणवीसांची टीका मी गांभीर्याने घेत नाही असंही राऊत म्हणाले. फडणवीसांच्या पवार आणि खडसेंच्या भेटीनंतर संजय राऊत यांनी राज्यातला विरोधीपक्ष आजा जमिनीवर येतो आहे असं म्हटत टोला लगावला. “राजकारणात कोणीच कोणाचा शत्रू नसतो, वैचारिक मतभेद असू शकतात. फडणवीस पवारांना भेटले, खडसेंना भेटले याचा मला आनंद आहे. आम्ही देखील मित्र आहोत. आम्हीही भेटलो आहेत, भेटत राहू. राजकारणात या गोष्टीच होतच असतात.”