Sexual health: लैंगिक संबंधांसाठी ‘ही’ वेळ सर्वात वाईट, काय आहे कारण?
Sex health Tips: लैंगिक संबंधासाठी काही निश्चित वेळी ही आवश्यक आहे. ज्याबाबत तज्ज्ञांनी देखील त्यांचे मत व्यक्त केले आहे. जाणून घ्या त्याविषयी सविस्तरपणे
ADVERTISEMENT
Sexual Health Tips: जर तुम्हाला वाटत असेल की, तुमचा पार्टनर लैंगिक संबंधात (sexual relations) रस घेत नाही किंवा तुमचं लैंगिक आयुष्य बिघडत आहे, तर यामागे काही खास कारण असू शकते. तुम्हाला माहिती आहे का की तुम्ही ज्या वेळी लैंगिक संबंध करत आहात त्याचा तुमच्या लैंगिक आयुष्यावरही परिणाम होतो. लैंगिक संबंधांसाठी कोणती वेळ चुकीची आहे हे आपण आरोग्य तज्ज्ञांकडून जाणून घेऊया आणि यावेळी शारीरिक संबंध टाळावेत. (sexual health this is worst time for physical relationship experts told the reason)
बहुतेक जोडपे रात्री लैंगिक संबंध ठेवणं चांगलं मानतात, परंतु ही वेळ तुमच्यासाठी वाईट देखील असू शकते. फ्रंटियर्स इन सायकोलॉजी या जर्नलच्या अभ्यासात असे दिसून आले होते की, पुरुष आणि स्त्रियांची लैंगिक इच्छा वाढण्याची वेगवेगळी वेळ असते.
या अभ्यासानुसार, महिलांची लैंगिक इच्छा संध्याकाळी सर्वात जास्त असते, तर पुरुषांची सकाळच्या वेळेस लैंगिक संबंधासाठी सर्वात जास्त उत्सुक असतात. या अभ्यासानुसार, बहुतेक जोडपे हे रात्री 9 ते मध्यरात्रीपर्यंतच्या वेळेत लैंगिक संबंध ठेवतात. मात्र, यासाठी एक निश्चित वेळ असलीच पाहिजे असं काही गरजेचं नसल्याचं संशोधकांचे म्हणणे आहे.
लैंगिक संबंधांसाठी कोणती वेळ योग्य?
अभ्यासात असे दिसून आले आहे की, जे जोडपे आपली दिनचर्या लक्षात घेऊन नातेसंबंध टिकवून ठेवतात ते लैंगिकदृष्ट्या अधिक समाधानी असतात. ‘द पॉवर ऑफ व्हेन’ या पुस्तकाचे लेखक मायकेल ब्रूस यांनी ‘द हेल्दी वेबसाइट’ला सांगितले की, ‘झोपण्याच्या वेळी लैंगिक संबंध ठेवणं हे काही वाईट नाही, पण तोपर्यंत तुम्ही पूर्णपणे थकलेले असता. यावेळी, आपल्या शरीराला फक्त झोपेची आवश्यकता असते आणि लैंगिक संबंधांसाठी शरीरात ऊर्जा शिल्लक नसते.’
हे वाचलं का?
