शिवसेना महाविकास आघाडीतून बाहेर पडणार? संजय राऊत यांची बंडखोर आमदारांना मोठी ऑफर!
शिवसेना नेते एकनाथ शिंदे यांनी पुकारलेलं बंड हे महाराष्ट्राच्या राजकारणातलं अभूतपूर्व बंड ठरलं आहे. ३६ हून जास्त आमदारांना सोबत घेत त्यांनी बंडखोरी केली आहे. शिवसेनेसोबत आता १३ आमदार उरले आहेत. या सगळ्या राजकीय पेच प्रसंगाचं काय होणार हे पाहणं महत्त्वाचं ठरणार आहे. अशात शिवसेना खासदार संजय राऊत यांनी बंडखोर आमदारांना एक महत्त्वाची ऑफर दिली आहे. […]
ADVERTISEMENT
शिवसेना नेते एकनाथ शिंदे यांनी पुकारलेलं बंड हे महाराष्ट्राच्या राजकारणातलं अभूतपूर्व बंड ठरलं आहे. ३६ हून जास्त आमदारांना सोबत घेत त्यांनी बंडखोरी केली आहे. शिवसेनेसोबत आता १३ आमदार उरले आहेत. या सगळ्या राजकीय पेच प्रसंगाचं काय होणार हे पाहणं महत्त्वाचं ठरणार आहे. अशात शिवसेना खासदार संजय राऊत यांनी बंडखोर आमदारांना एक महत्त्वाची ऑफर दिली आहे.
काय म्हणाले आहेत संजय राऊत?
”सगळ्या बंडखोर आमदारांना माझं सांगणं आहे की तुम्ही तिकडे बसून पत्रव्यवहार, व्हॉट्स अॅप या सगळ्याद्वारे संपर्क साधू नका. मुंबईत या समोरासमोर बसा. तुमचं काय म्हणणं आहे ते मुख्यमंत्री उद्धव ठाकरेंसमोर मांडा. महाविकास आघाडीबाबत समस्या तुम्हाला असतील तर शिवसेना महाविकास आघाडीतून बाहेर पडायला तयार आहे” हे संजय राऊत यांनी म्हटलंय.
एकनाथ शिंदे यांनी पुकारलेलं बंड सर्वात मोठं बंड मानलं जातं आहे. त्यानंतर उद्धव ठाकरे यांनीही भावनिक साद घालत ज्या काही तक्रारी असतील त्या समोर या आणि सांगा असं उद्धव ठाकरे यांनी म्हटलं आहे. त्यापाठोपाठ पुढच्या २४ तासात मुंबईत या आणि चर्चा करा महाविकास आघाडीतून बाहेर पडू ही ऑफर संजय राऊत यांनी दिली आहे. या ऑफरबाबत एकनाथ शिंदे यांचा गट काही निर्णय घेणार का? हे पाहणं महत्त्वाचं ठरणार आहे.
हे वाचलं का?
