उद्धव ठाकरे आपल्या माणसालाही सोडणार नाहीत- संजय राऊत

मुख्यमंत्री उद्धव ठाकरे यांनी पोहरादेवी या ठिकाणी झालेल्या गर्दीबद्दल नाराजी व्यक्त करत यासंबंधी कारवाई करण्याचे निर्देश मंगळवारीच दिले आहेत. तसंच वाशिमचे जिल्हाधिकारी आणि पोलीस अधीक्षक यांच्याकडून अहवालही मागवण्यात आला आहे. पूजा चव्हाणच्या मृत्यूनंतर गेल्या पंधरा दिवसांपासून नॉट रिचेबल असलेले संजय राठोड हे काल पोहरादेवीत गेले होते. तिथे त्यांनी शक्तीप्रदर्शन केलं कारण ते जेव्हा पोहरादेवी या ठिकाणी पोहचले तेव्हा त्यांना पाठिंबा देण्यासाठी तिथे हजारो कार्यकर्त्यांची गर्दी झाली होती. पूजा चव्हाण प्रकरणात मला नाहक बदनाम केलं जातं आहे ती बंजारा समाजाची होती. पूजा चव्हाणचा मृत्यू ही दुर्दैवी घटना होती तिची, माझ्या बंजारा समाजाची आणि माझी बदनामी करणं थांबवा असंही आवाहन त्यांनी मंगळवारी केलं. मात्र जी गर्दी पोहरादेवी या ठिकाणी झाली होती त्यासंबंधी कारवाईचे निर्देश मुख्यमंत्र्यांनी दिले आहेत.

हा व्हिडिओ देखील पहा..