सोलापूर : जनावरांच्या हाडांपासून भुकटी आणि डाळडा बनवणाऱ्या कारखान्यावर कारवाई

जनावरांच्या हाडापासून या भागात डाळडा आणि भुकटी बनवणं सुरु असल्यामुळे आजुबाजूच्या परिसरात दुर्गंधी पसरली होती. याविरोधात स्थानिक नागरिकांनी पोलिसांकडे तक्रार केल्यानंतर ही कारवाई करण्यात आली आहे. पोलीस पथकाने छापेमारी केली असता त्यांना, मोकळ्या जागेत ७ लोखंडी कढईमध्ये जनावराचं मांस, हाडं वितळवण्याचं काम सुरु असल्याचं लक्षात आलं.

सोलापूर : जुगार अड्ड्यावर पोलिसांचा छापा, माजी आमदार रविकांत पाटील यांना जुगार खेळताना अटक

हा कारखाना चालवण्यासाठी वीजही चोरुन वापरण्यात आल्याचं पोलीस पथकाला लक्षात आलं. यानंतर महावितरणच्या कर्मचाऱ्यांकडून ही बाब नक्की करुन घेतल्यानंतर पोलिसांनी हा कारखाना चालवणारे मालक अब्दुल कुरेशी आणि अलिम कुरेशी यांच्याविरुद्ध जोडभावीपेठ पोलिसांत तक्रार दाखल केली असून हा कारखानाही सिल केला आहे.