राज्यात शाळा सुरु करण्याच्या दिशेने सरकारचं पहिलं पाऊल, नवीन नियमावली जाहीर

राज्यातील कोरोनामुक्त गावांमध्ये किंवा ज्या गावांत कोरोनाचा प्रभाव कमी आहे अशा गावांत टप्प्याटप्प्यांमध्ये शाळा सुरु करण्यात येणार आहे. पहिल्या टप्प्यात येत्या १५ जुलैपासून राज्यात आठवी ते बारावीचे वर्ग सुरु करण्यासाठी शालेय शिक्षण विभागाने मान्यता दिली आहे. ‘चला मुलांना, शाळेला चला’ या मोहीमेची घोषणा राज्य सरकारने केली आहे. शाळा सुरु करण्यासाठी गाव पातळीवर समिती स्थापन करण्याच्या सूचना देण्यात आल्या असून विद्यार्थ्यांना शाळेत येण्यापूर्वी पालकांची लेखी परवानगी बंधनकारक करण्यात आली आहे.