‘कांतारा आणि द काश्मीर फाईल्स’ ऑस्करसाठी शॉर्टलिस्ट नाहीत! काय मग सत्य, वाचा सविस्तर

दिशाभूल कशी?

‘द काश्मीर फाइल्स’ आणि ‘कांतारा’ हे दोन्ही चित्रपट ऑस्करच्या शर्यतीमध्ये आहेत हे अगदी सत्य आहे. पण अद्याप ऑस्करच्या नामांकनासाठी या दोन्ही चित्रपटांची निवड झालेली नाही. हे चित्रपट केवळ सर्व मापदंड पूर्ण करुन ऑस्कर नामांकनासाठी मतदान प्रक्रियेच्या टप्प्यासाठी पात्र ठरले आहेत. जर मतदानात या दोन्ही चित्रपटांची निवड झाली, तरचं या चित्रपटांना ऑस्करचं नामांकन मिळू शकणार आहे.

विवेक अग्निहोत्री काय म्हणाले?

विवेक अग्निहोत्री ट्विट करुन लिहितात की, ‘ऑस्कर 2023’ साठी अकादमीच्या पहिल्या यादीत ‘द काश्मीर फाईल्स’ शॉर्टलिस्ट झाली आहे. हा भारतातील पाच चित्रपटांपैकी एक आहे. मी सर्वांचं अभिनंदन करतो. दुसऱ्या ट्विटमध्ये अग्निहोत्री लिहितात, पल्लवी जोशी, मिथुन चक्रवर्ती, दर्शन कुमार, अनुपम खेर हे सर्व सर्वोत्कृष्ट अभिनेत्याच्या श्रेणीत शॉर्टलिस्ट झाले आहेत. पण ही फक्त सुरूवात आहे. रस्ता मोठा आहे.. सर्वांनी आशीर्वाद द्या!

#PallaviJoshi #MithunChakraborty @DarshanKumaar @AnupamPKher are all shortlisted for best actor categories. It’s just the beginning. A long long road ahead. Pl bless them all. pic.twitter.com/fzrY9VKDcP

— Vivek Ranjan Agnihotri (@vivekagnihotri) January 10, 2023

दुसरीकडे, आपला चित्रपट ऑस्करसाठी २ श्रेणींमध्ये पात्र ठरल्याचं कांताराचे दिग्दर्शक ऋषभ शेट्टींनी सांगितलं आहे. पण कांताराही ‘द कश्मीर फाईल्स’प्रमाणेच केवळ सर्व मापदंड पूर्ण करुन ऑस्कर नामांकनासाठी मतदान प्रक्रियेच्या टप्प्यासाठी पात्र ठरला आहे. जर मतदानात या चित्रपटाची निवड झाली, तरच या चित्रपटाला ऑस्करचं नामांकन मिळू शकणार आहे.

We are overjoyed to share that 'Kantara' has received 2 Oscar qualifications! A heartfelt thank you to all who have supported us. We look forward to share this journey ahead with all of your support. Can’t wait to see it shine at the #Oscars #Kantara @hombalefilms #HombaleFilms

— Rishab Shetty (@shetty_rishab) January 10, 2023

नेमकं सत्य काय आहे मग?

तुम्ही अकादमी अवॉर्ड्सच्या अधिकृत वेबसाईटवर गेला तर, विवेक अग्निहोत्री आणि ऋषभ शेट्टी या दोघांचाही दावा खोटा असल्याचं तुम्हाला दिसून येईल. आंतरराष्ट्रीय फीचर फिल्म श्रेणीतून ऑस्करसाठी भारतातून फक्त एक चित्रपट निवडला गेला आहे. तो म्हणजे ‘द लास्ट फिल्म शो’, शॉर्टलिस्ट केलेला हा एकमेव भारतीय चित्रपट आहे. पण त्याचीही घोषणा यापूर्वीच झाली होती. उर्वरित श्रेणींमध्ये शॉर्टलिस्ट केलेल्या चित्रपटांची माहिती येणं अद्याप बाकी आहे.

९ जानेवारी २०२३ ला अकादमी पुरस्कारांसाठी पात्र असलेल्या ३०१ चित्रपटांची कॉन्टेसन यादी काढण्यात आली आहे. याच यादीत ‘कांतारा’ आणि ‘द काश्मीर फाईल्स’चे या चित्रपटांची नावं आहेत. प्रसिद्धीपत्रकात देखील हे चित्रपट शॉर्टलिस्ट केले असल्याचं अद्याप कुठेही सांगितलेलं नाही. ही पात्रता यादी आहे, मतदान प्रक्रियेनंतर या सर्व चित्रपटांना पुढच्या टप्प्यात पाठवलं जाईलं. त्यामुळे या चित्रपटांचं नाव ऑस्करच्या शर्यतीत आहे. पण पुढे जाऊन हे चित्रपट शॉर्टलिस्ट होतील याची शाश्वती नाही.

९५ व्या अकादमी पुरस्कारांसाठी नामांकनसाठीचे मतदान १२-१७ जानेवारी दरम्यान होणार आहे. तर २४ जानेवारी २०२३ रोजी नामांकन जाहीर केले जाणार आहेत. यानंतर तब्बल दीड महिन्यांनंतर म्हणजे १२ मार्च २०२३ रोजी ऑस्कर पुरस्कारांची घोषणा होणार आहे. याच दिवसाची सर्व जण आतुरतेने वाट बघतं असतात.