बीड : अंबाजोगाईत पोलिसांच्या घरात घरफोडी, लाखोंचा मुद्देमाल चोरीला

अंबाजोगाईतील अप्पर पोलीस अधीक्षक कार्यालयात वाचक पदावर असलेले सहाय्यक पोलीस निरीक्षक रवींद्र शिंदे यांचे अंबाजोगाईतील पोखरी रोडवरील पिताजी सारडा नगरीत घर आहे . त्यांची पत्नी कोमल यांनी दिलेल्या फिर्यादीनुसार , ४ मार्च रोजी सर्व कुटुंबीय घराला कुलूप लावून बीडला गेले होते . ७ मार्च रोजी रात्री ११ वाजता ते घरी परतले असता त्यांना घराचा कडी कोयंडा तुटलेला दिसला.

बीडचे पोलीस अधिक्षक सक्तीच्या रजेवर, गृहमंत्री वळसे-पाटलांची विधानसभेत घोषणा

घरात जाऊन पाहणी केली असताना, त्यांना चोरट्यांनी आपल्या घरातलं सामान अस्ताव्यस्त टाकून कपाटाच्या लॉकरमध्ये ठेवलेले मिनी गंठन , नेकलेस , झुंबर , टॉप्स असे १० तोळे सोन्याचे दागिने आणि तीन घड्याळे असा एकूण १ लाख २६ हजार ८०० रुपयांचा मुद्देमाल चोरून नेल्याचे दिसून आलं. यानंतर अंबाजोगाई पोलीस ठाण्यात याबद्दल गुन्हा दाखल करण्यात आला आहे. जर पोलिसांचीच घरं सुरक्षित राहणार नसतील तर सर्वसामान्यांनी कोणाकडून अपेक्षा ठेवायची असा प्रश्न आता सामान्य नागरिक विचारताना दिसत आहेत.

अकोला: पोटच्या अल्पवयीन मुलीवर सलग 2 वर्ष बलात्कार करणाऱ्या नराधम बापाला कोर्टाने सुनावली ‘ही’ शिक्षा