पंतप्रधानांच्या बैठकीत उद्धव ठाकरे अनुपस्थित, मुख्यमंत्र्यांची प्रकृती पुन्हा खालावल्याची चर्चा का होते आहे?

पंतप्रधान नरेंद्र मोदी यांनी गुरूवारी 30 राज्यांच्या मुख्यमंत्र्यांशी संवाद साधला. त्यांनी देशातील कोरोनाची नेमकी स्थिती काय आहे त्याचा आढावा घेतला. या बैठकीला महाराष्ट्राचे मुख्यमंत्री उद्धव ठाकरे यांनाही सहभागी होण्यास सांगितलं होतं. मात्र ते या बैठकीत सहभागी होऊ शकले नाहीत. त्यांच्याऐवजी आरोग्यमंत्री राजेश टोपे आणि गृहमंत्री दिलीप वळसे पाटील हे या बैठकीत ऑनलाईन सहभागी झाले होते. पंतप्रधान नरेंद्र मोदी यांनी बोलावलेली ही बैठक व्हीडिओ कॉन्फरन्सिंगद्वारे पार पडली. या बैठकीत उद्धव ठाकरे उपस्थित नसल्याने त्यांच्या प्रकृतीची चर्चा पुन्हा एकदा सुरू झाली आहे.